shabnam to bagh mein hai na yun chashm-e-tar ki hum

shabnam to baaġh meñ hai na yuuñ chashm-e-tar ki ham

ġhuncha bhī is qadar hai na ḳhūnī jigar ki ham

juuñ āftāb us mah-e-be-mehr ke liye

aise phire na koī phirā dar-ba-dar ki ham

kahtā hai naala aah se dekheñ to kaun jald

us shoḳh sañg-dil meñ kare tū hai ghar ki ham

hai har dur-e-suḳhan pe sazā-vār gosh-e-yār

motī sadaf rakhe hai par aise guhar ki ham

muñh par se shab-e-naqāb uThā yaar ne kahā

raushan-jamāl dekh tū ab hai qamar ki ham

zar kiyā hai maal tujh pe kareñ naqd-e-jāñ nisār

itnā to aur kaun hai ai sīm-bar ki ham

tā-zīst ham butoñ ke rahe saath misl-e-zulf

yuuñ umr kis ne kī hai jahāñ meñ basar ki ham

ġhussa ho kis pe aa.e ho jo tevrī chaḌhā

laa.eq itaab ke nahīñ koī magar ki ham

'bedār' shart hai na palak se palak lage

dekheñ to raat jā ke hai yā tū sahar ki ham

shabnam to bagh mein hai na yun chashm-e-tar ki hum

ghuncha bhi is qadar hai na KHuni jigar ki hum

jun aaftab us mah-e-be-mehr ke liye

aise phire na koi phira dar-ba-dar ki hum

kahta hai nala aah se dekhen to kaun jald

us shoKH sang-dil mein kare tu hai ghar ki hum

hai har dur-e-suKHan pe saza-war gosh-e-yar

moti sadaf rakhe hai par aise guhar ki hum

munh par se shab-e-naqab uTha yar ne kaha

raushan-jamal dekh tu ab hai qamar ki hum

zar kiya hai mal tujh pe karen naqd-e-jaan nisar

itna to aur kaun hai ai sim-bar ki hum

ta-zist hum buton ke rahe sath misl-e-zulf

yun umr kis ne ki hai jahan mein basar ki hum

ghussa ho kis pe aae ho jo tewri chaDha

laeq itab ke nahin koi magar ki hum

'bedar' shart hai na palak se palak lage

dekhen to raat ja ke hai ya tu sahar ki hum