chehre se wo naqab jo sarka ke rah gae

chehre se vo naqāb jo sarkā ke rah ga.e

armān merī chashm-e-tamannā ke rah ga.e

mai-ḳhāna-e-ummīd meñ ham jā ke rah ga.e

saaqī ne Daalī aañkh to ġhash khā ke rah ga.e

laa.e na tāb-e-dīd to ġhash khā ke rah ga.e

da.ave tamām hazrat-e-mūsā ke rah ga.e

ham apnī saḳht jaanī se jhuñjhlā ke rah ga.e

gardan jhukā.ī kaT ga.e sharmā ke rah ga.e

āñkheñ milā.īñ kyā ki pilā.e haiñ ḳhum ke ḳhum

ehsān ham pe sāġhar-o-sahbā ke rah ga.e

kahne diyā na hashr meñ kuchh ro’b-e-husn ne

shikve mirī zabān pe aa aa ke rah ga.e

tūlāaniyāñ firāq kī baḌhtī rahīñ yūñhī

phandoñ meñ aake zulf chalīpā ke rah ga.e

vo be-ḳhudī le ga.e jaañ tak nikāl kar

ham mahv dīd-e-'āriz-e-zebā ke rah ga.e

vo nāz-āfrīñ jo tasavvur meñ aa gayā

ham donoñ haath shauq meñ phailā ke rah ga.e

us be-ḳhabar kī aa ke kisī ne ḳhabar na dī

naale agar kiye to vahīñ jā ke rah ga.e

mashq-e-sitam ke vāste baaqī hai dam abhī

ye kyā sitam kiyā ki sitam Dah ke rah ga.e

ThanDā to kar sake na kaleje kī aag ko

tīroñ kā meñh vo siine pe barsā ke rah ga.e

ye the mere nasīb ki mai-ḳhāna khul gayā

aġhyār muntazir dar-e-tauba ke rah ga.e

laayā na ek ko bhī maiñ apne ḳhayāl meñ

jalve mirī nazar meñ bahut aa ke rah ga.e

bas aur kyā kahūñ ki ḳhudā aa gayā nazar

vo barq-e-husn dil pe jo lahrā ke rah ga.e

'qātil' kī intizār meñ guzrī tamām 'umr

armān-e-ḳhūn ho ke tamannā ke rah ga.e

chehre se wo naqab jo sarka ke rah gae

arman meri chashm-e-tamanna ke rah gae

mai-KHana-e-ummid mein hum ja ke rah gae

saqi ne Dali aankh to ghash kha ke rah gae

lae na tab-e-did to ghash kha ke rah gae

dawe tamam hazrat-e-musa ke rah gae

hum apni saKHt jaani se jhunjhla ke rah gae

gardan jhukai kaT gae sharma ke rah gae

aankhen milain kya ki pilae hain KHum ke KHum

ehsan hum pe saghar-o-sahba ke rah gae

kahne diya na hashr mein kuchh ro’b-e-husn ne

shikwe meri zaban pe aa aa ke rah gae

tulaaniyan firaq ki baDhti rahin yunhi

phandon mein aake zulf chalipa ke rah gae

wo be-KHudi le gae jaan tak nikal kar

hum mahw did-e-'ariz-e-zeba ke rah gae

wo naz-afrin jo tasawwur mein aa gaya

hum donon hath shauq mein phaila ke rah gae

us be-KHabar ki aa ke kisi ne KHabar na di

nale agar kiye to wahin ja ke rah gae

mashq-e-sitam ke waste baqi hai dam abhi

ye kya sitam kiya ki sitam Dah ke rah gae

ThanDa to kar sake na kaleje ki aag ko

tiron ka meinh wo sine pe barsa ke rah gae

ye the mere nasib ki mai-KHana khul gaya

aghyar muntazir dar-e-tauba ke rah gae

laya na ek ko bhi main apne KHayal mein

jalwe meri nazar mein bahut aa ke rah gae

bas aur kya kahun ki KHuda aa gaya nazar

wo barq-e-husn dil pe jo lahra ke rah gae

'qatil' ki intizar mein guzri tamam 'umr

arman-e-KHun ho ke tamanna ke rah gae