idhar wo parda-dar aae na aae

idhar vo parda-dār aa.e na aa.e

nigāhoñ ko qarār aa.e na aa.e

payām-e-vasl-e-yār aa.e na aa.e

ḳhudā jaane qarār aa.e na aa.e

zabāñ ko zahmat-e-iz.hār kyuuñ ho

kisī ko e'tibār aa.e na aa.e

chaman vāloñ ye lamhe haiñ ġhanīmat

chaman meñ phir bahār aa.e na aa.e

sunā.ūñ kyuuñ maiñ apne dil kī hālat

kisī ko e'tibār aa.e na aa.e

rahe pazh-murda kab tak ġhuncha-e-dil

havā-e-ḳhush-gavār aa.e na aa.e

pilā saaqī tirī āñkhoñ ke sadqe

ki koī mai-e-gusār aa.e na aa.e

kahāñ tak 'rāz' rakkhūñ raaz ko raaz

ki koī rāz-dār aa.e na aa.e

idhar wo parda-dar aae na aae

nigahon ko qarar aae na aae

payam-e-wasl-e-yar aae na aae

KHuda jaane qarar aae na aae

zaban ko zahmat-e-izhaar kyun ho

kisi ko e'tibar aae na aae

chaman walon ye lamhe hain ghanimat

chaman mein phir bahaar aae na aae

sunaun kyun main apne dil ki haalat

kisi ko e'tibar aae na aae

rahe pazh-murda kab tak ghuncha-e-dil

hawa-e-KHush-gawar aae na aae

pila saqi teri aankhon ke sadqe

ki koi mai-e-gusar aae na aae

kahan tak 'raaz' rakkhun raaz ko raaz

ki koi raaz-dar aae na aae