kun se ye kainat banai bana gae

kun se ye kā.ināt banā.ī banā ga.e

mere liye ye bazm sajā.ī sajā ga.e

nazroñ ko chaar kar diyā aur muskurā diye

taskīn mere dil ko bañdhā.ī bandhā ga.e

bad-mastoñ kā rañg zamāne pe chhā gayā

rindoñ ko aaj ḳhuub pilā.ī pilā ga.e

ḳhud 'rāz' ban ke dahr kā 'ālam badal diyā

yuuñ dāstān-e-shauq sunā.ī sunā ga.e

kun se ye kainat banai bana gae

mere liye ye bazm sajai saja gae

nazron ko chaar kar diya aur muskura diye

taskin mere dil ko bandhai bandha gae

bad-maston ka rang zamane pe chha gaya

rindon ko aaj KHub pilai pila gae

KHud 'raaz' ban ke dahr ka 'alam badal diya

yun dastan-e-shauq sunai suna gae