dekhe jo yak-ba-yak gul-ru tumhaari be-hijabi hum

dekhe jo yak-ba-yak gul-rū tumhārī be-hijābī ham

misāl-e-bulbul-e-shaidā ka.e apnī ḳharābī ham

abas is dil-kabāboñ kī na pūchho mai-parastī kuuñ

hue ho jab suuñ tum saaqī hue tab suuñ sharābī ham

paḌe haiñ pech-o-tābī meñ ba-hāl-e-ḳhasta sar-gardāñ

tumhāre sar uupar chīrā jo dekhe haiñ gulābī ham

abas laon-e-malāhat suuñ jo karte ho namak-pāshī

kaho kis señ kaheñ jā kar hamāre dil kabābī ham

sadā chashm-e-hasūdāñ meñ paḌe ḳhāk-e-nifāq-e-bad

ki haiñ mash.hūr aalam meñ 'turāb'-e-'bū-turābī' ham

dekhe jo yak-ba-yak gul-ru tumhaari be-hijabi hum

misal-e-bulbul-e-shaida kae apnī KHarabi hum

abas is dil-kababon ki na puchho mai-parasti kun

hue ho jab sun tum saqi hue tab sun sharabi hum

paDe hain pech-o-tabi mein ba-haal-e-KHasta sar-gardan

tumhaare sar upar chira jo dekhe hain gulabi hum

abas laon-e-malahat sun jo karte ho namak-pashi

kaho kis sen kahen ja kar hamare dil kababi hum

sada chashm-e-hasudan mein paDe KHak-e-nifaq-e-bad

ki hain mashhur aalam mein 'turab'-e-'bu-turabi' hum