aatish-e-ishq-e-sanam son josh-e-mai-KHana hua

ātish-e-ishq-e-sanam soñ josh-e-mai-ḳhāna huā

bulbul-e-gulzār-e-vahdat dekh dīvāna huā

zakariyā mānind jab sar kuuñ diyā aare tale

tār-e-zulf-e-yār señ tab āshnā shāna huā

kyuuñ bhaTaktā nā phire o bulbul-e-shaidā misāl

gul-badan ke naaz kā jo bas ki mastāna huā

soz-e-dil kī kaifiyat kahne meñ kuchh aatī nahīñ

dekh us kī sham.a-rū kuuñ jā ke parvāna huā

baaġh meñ gul-gasht kuuñ jis roz suuñ aayā hai o

murġh-e-dil us roz suuñ mere suuñ begāna huā

jo ki rāh-e-ishq meñ sābit-qadam ho sar diyā

majlis-e-ushshāq meñ mash.hūr mardāna huā

ai 'turāb' jab gul-badan ke dard suuñ giryāñ kiyā

dāman-e-gul par mirā har ashk durdāna huā

aatish-e-ishq-e-sanam son josh-e-mai-KHana hua

bulbul-e-gulzar-e-wahdat dekh diwana hua

zakariya manind jab sar kun diya aare tale

tar-e-zulf-e-yar sen tab aashna shana hua

kyun bhaTakta na phire o bulbul-e-shaida misal

gul-badan ke naz ka jo bas ki mastana hua

soz-e-dil ki kaifiyat kahne mein kuchh aati nahin

dekh us ki shama-ru kun ja ke parwana hua

bagh mein gul-gasht kun jis roz sun aaya hai o

murgh-e-dil us roz sun mere sun begana hua

jo ki rah-e-ishq mein sabit-qadam ho sar diya

majlis-e-ushshaq mein mashhur mardana hua

ai 'turab' jab gul-badan ke dard sun giryan kiya

daman-e-gul par mera har ashk durdana hua