dida-e-bina-o-nabina ke tain raushan kiya

dīda-e-bīnā-o-nābīnā ke ta.iiñ raushan kiyā

yak nigah meñ gulḳhan-e-vīrāñ kuuñ o gulshan kiyā

kyuuñ na hove us kuuñ hāsil tāle-e-askandarī

duur kar zañg-e-kudūrat dil kuuñ jo darpan kiyā

tab huā iz.hār e.ajāz-e-asā-e-mūsavaī

jab o chob-e-nā-tarāshīdā ke ta.iiñ sohan kiyā

ḳhavāhish-e-hubb-ul-vatanī hargiz nahīñ us kuuñ rahā

kūcha-e-dildār meñ jo apnā jā maskan kiyā

misr señ le kar ḳhabar yūsuf kī jo qāsid gayā

dīda-e-yāqūb raushan bū-e-pairāhan kiyā

sar diyā teshe tale o jān-e-shīrīñ señ guzar

koī nahīñ aisā kiyā hai jis qadar kuhkan kiyā

bā.is-e-ījād maujūd-e-izāfī hai 'turāb'

is sabab señ nūr-e-pāk-e-mustafā mautan kiyā

dida-e-bina-o-nabina ke tain raushan kiya

yak nigah mein gulKHan-e-viran kun o gulshan kiya

kyun na howe us kun hasil tale-e-askandari

dur kar zang-e-kudurat dil kun jo darpan kiya

tab hua izhaar eajaz-e-asa-e-musawai

jab o chob-e-na-tarashida ke tain sohan kiya

KHawahish-e-hubb-ul-watani hargiz nahin us kun raha

kucha-e-dildar mein jo apna ja maskan kiya

misr sen le kar KHabar yūsuf ki jo qasid gaya

dida-e-yaqub raushan bu-e-pairahan kiya

sar diya teshe tale o jaan-e-shirin sen guzar

koi nahin aisa kiya hai jis qadar kuhkan kiya

bais-e-ijad maujud-e-izafi hai 'turab'

is sabab sen nur-e-pak-e-mustafa mautan kiya