sozish-e-ishq ki tasir badal jati hai

sozish-e-ishq kī tāsīr badal jaatī hai

munqalib dil ho to tahrīr badal jaatī hai

ahd-e-māzī hī takallum na kiyā jaaye ab

aaj bhī sidaq kī tasvīr badal jaatī hai

raat bhar maiñ rahā ḳhuub bulandī ke qarīb

sub.h meñ ḳhvāb kī ta.abīr badal jaatī hai

mujh pe ilzām purānā hai sazā.eñ bhī vahī

bas mere paañv kī zanjīr badal jaatī hai

gardish-e-vaqt se tum Darnā na hargiz 'shāriq'

jab duāoñ se bhī taqdīr badal jaatī hai

sozish-e-ishq ki tasir badal jati hai

munqalib dil ho to tahrir badal jati hai

ahd-e-mazi hi takallum na kiya jaye ab

aaj bhi sidaq ki taswir badal jati hai

raat bhar main raha KHub bulandi ke qarib

subh mein KHwab ki tabir badal jati hai

mujh pe ilzam purana hai sazaen bhi wahi

bas mere panw ki zanjir badal jati hai

gardish-e-waqt se tum Darna na hargiz 'shaariq'

jab duaon se bhi taqdir badal jati hai