tair-e-qudsi haqiqat-ashna

tā.ir-e-qudsī haqīqat-āshnā

lahn-e-dā.ūdī meñ hai naġhma-sarā

saaz ilhāmī hai jis kī har sadā

aur nidā-e-ġhaib hai jis kī nidā

guftugū-e-haq hai jis kī guftugū

jis kā avval hī sabaq hai vahdahū

naġhma-e-jibra.īl hai jis kī sadā

sūr-e-isrāfīl hai jis kī navā

jis ko sun kar rūh-e-insānī tamām

roz-e-avval se hai ab tak shaad kaam

sāhab-e-vajd-o-simā haiñ sar ba-kaf

be-ḳhudī meñ sun ke saut-e-lā-tkHaf

hosh meñ aa.e na phir ahl-e-junūñ

sun ke naġhmāt valā-hum yahzanūn

tair-e-qudsi haqiqat-ashna

lahn-e-daudi mein hai naghma-sara

saz ilhami hai jis ki har sada

aur nida-e-ghaib hai jis ki nida

guftugu-e-haq hai jis ki guftugu

jis ka awwal hi sabaq hai wahdahu

naghma-e-jibrail hai jis ki sada

sur-e-israfil hai jis ki nawa

jis ko sun kar ruh-e-insani tamam

roz-e-awwal se hai ab tak shad kaam

sahab-e-wajd-o-sima hain sar ba-kaf

be-KHudi mein sun ke saut-e-la-tkHaf

hosh mein aae na phir ahl-e-junun

sun ke naghmat wala-hum yahzanun