lagana dil kisi na-mehrban se

lagānā dil kisī nā-mehrbāñ se

zamīñ kī dostī hai āsmāñ se

nazar aate the tum to be-zabāñ se

ye bāteñ ā.ga.īñ tum ko kahāñ se

nazar aate haiñ vo kuchh mehrbāñ se

giregī koī bijlī āsmāñ se

ye nañg-e-’ijz hai ik baar rakh kar

uThānā sar kisī ke āstāñ se

visāl-e-jāvedānī chāhtā huuñ

magar vo zindagī lā.ūñ kahāñ se

sunā duuñ dāstān-e-ġham sunā duuñ

agar tū sun sake merī zabāñ se

unheñ bātoñ se jo betāb kar de

ilāhī vo zabāñ lā.ūñ kahāñ se

kareñ kyā un se iz.hār-e-mohabbat

vo sun leñge hamāre rāz-dāñ se

lagana dil kisi na-mehrban se

zamin ki dosti hai aasman se

nazar aate the tum to be-zaban se

ye baaten aagain tum ko kahan se

nazar aate hain wo kuchh mehrban se

giregi koi bijli aasman se

ye nang-e-’ijz hai ek bar rakh kar

uThana sar kisi ke aastan se

visal-e-jawedani chahta hun

magar wo zindagi laun kahan se

suna dun dastan-e-gham suna dun

agar tu sun sake meri zaban se

unhen baaton se jo betab kar de

ilahi wo zaban laun kahan se

karen kya un se izhaar-e-mohabbat

wo sun lenge hamare raaz-dan se