hua hai tez magar baadban to hai hi nahin

huā hai tez magar bādbāñ to hai hī nahīñ

sitārā ek bhī manzil-nishāñ to hai hī nahīñ

jabīn-e-shauq jhukā.eñ kahāñ sujūd kareñ

talab kī raah meñ vo āstāñ to hai hī nahīñ

nazar laḌe to kahāñ dil ko leke jaa.eñ kidhar

ḳhirad ke mulk meñ shahr-e-butāñ to hai hī nahīñ

lahū lahū hai qabā kyā huā hai bismil ko

ajiib baat hai ḳhanjar ravāñ to hai hī nahii.

haiñ sab ke sab tere rañg-e-bahār mausam-e-gul

koī bhī mahram bād-e-ḳhizāñ to hai hī nahīñ

makīn-e-zāt kareñ us kī zaat par bāteñ

ajab ye hai ḳhabar lā-makāñ to hai hī nahīñ

nigāh-e-aks meñ gum ho ga.ī magar afsos

ye dil ki vāqif shīsha-garāñ to hai hī nahii.

maiñ hāl-e-zār kahūñ us se kis tarah 'kausar'

mere dahan meñ ek aisī zabāñ to hai hī nahīñ

hua hai tez magar baadban to hai hi nahin

sitara ek bhi manzil-nishan to hai hi nahin

jabin-e-shauq jhukaen kahan sujud karen

talab ki rah mein wo aastan to hai hi nahin

nazar laDe to kahan dil ko leke jaen kidhar

KHirad ke mulk mein shahr-e-butan to hai hi nahin

lahu lahu hai qaba kya hua hai bismil ko

ajib baat hai KHanjar rawan to hai hi nahi

hain sab ke sab tere rang-e-bahaar mausam-e-gul

koī bhi mahram baad-e-KHizan to hai hi nahin

makin-e-zat karen us ki zat par baaten

ajab ye hai KHabar la-makan to hai hi nahin

nigah-e-aks mein gum ho gai magar afsos

ye dil ki waqif shisha-garan to hai hi nahi

main haal-e-zar kahun us se kis tarah 'kausar'

mere dahan mein ek aisi zaban to hai hi nahin