aaKHri didar ko aae to hain

āḳhrī dīdār ko aa.e to haiñ

dekhne bīmār ko aa.e to haiñ

yaar to ab kuuch kar jaane ko hai

aap milne yaar ko aa.e to haiñ

hasratoñ kī gaThriyāñ sar par dhare

yaad ke bāzār ko aa.e to haiñ

ab na hairat hai na be-zārī na aas

vo magar dīdār ko aa.e to haiñ

phir na.ī bāteñ na.e qaul-o-qarār

phir na.e inkār ko aa.e to haiñ

aaKHri didar ko aae to hain

dekhne bimar ko aae to hain

yar to ab kuch kar jaane ko hai

aap milne yar ko aae to hain

hasraton ki gaThriyan sar par dhare

yaad ke bazar ko aae to hain

ab na hairat hai na be-zari na aas

wo magar didar ko aae to hain

phir nai baaten nae qaul-o-qarar

phir nae inkar ko aae to hain