humne socha tha kuchh faisla aur hai

ham ne sochā thā kuchh faisla aur hai

ham ne samjhā thā ik hādisa aur hai

us ke jalsoñ meñ kuchh bhī hamārā nahīñ

ham hī shāmil haiñ par faisla aur hai

jis ne luuTā hai us ko hī iḳhtiyār

ham se bolā gayā mas.ala aur hai

ham ne chāhā thā ik silsila ḳhair kā

un ke matlab kā ik silsila aur hai

ham ne māñgī thī roTī milī tāliyāñ

ye siyāsat hai is kā nasha aur hai

ham samajhte rahe the masīhā jise

aaj vo kah rahā vāsta aur hai

ham hī Thahre gunahgār har baar kyuuñ

faisle kā tumhārā qila' aur hai

log bhūke haiñ bachche haiñ behāl par

un kī taqrīr meñ mudda'ā aur hai

'amjad' is daur meñ boltā kyuuñ nahīñ

us ke lahje meñ ab fāsla aur hai

'amjad' āvāz detā rahā bhiiḌ meñ

sab ne samjhā ki ik masḳhara aur hai

hum ne socha tha kuchh faisla aur hai

hum ne samjha tha ek hadisa aur hai

us ke jalson mein kuchh bhi hamara nahin

hum hi shamil hain par faisla aur hai

jis ne luTa hai us ko hi iKHtiyar

hum se bola gaya masala aur hai

hum ne chaha tha ek silsila KHair ka

un ke matlab ka ek silsila aur hai

hum ne mangi thi roTi mili taliyan

ye siyasat hai is ka nasha aur hai

hum samajhte rahe the masiha jise

aaj wo kah raha wasta aur hai

hum hi Thahre gunahgar har bar kyun

faisle ka tumhaara qila' aur hai

log bhuke hain bachche hain behaal par

un ki taqrir mein mudda'a aur hai

'amjad' is daur mein bolta kyun nahin

us ke lahje mein ab fasla aur hai

'amjad' aawaz deta raha bhiD mein

sab ne samjha ki ek masKHara aur hai