na qu’ud mein na sujud mein na ruku’ mein na namaz mein

na qu’ūd meñ na sujūd meñ na rukū’ meñ na namāz meñ

terī bandagī jo adā huī to qiyām-e-juz-o-niyāz meñ

na fanā kī manzil-e-rāz meñ na baqā kī rāh-e-darāz meñ

agar 'ishq terā maqām hai to diloñ ke soz-o-gudāz meñ

mai-be-kHudī ne dikhā diyā jo chhupā thā parda-e-rāz meñ

ki bharī haiñ saarī haqīqateñ faqat ek jām-e-majāz meñ

ye na.ī hai rasm-o-rah-e-razā hai 'ajīb 'ishq kā zābta

usī sar ko tan se kareñ judā jo jhukā ho rāh-e-niyāz meñ

mirā ab to ‘qābil’-e-be-navā ye tarīq-e-'ishq meñ haal hai

kabhī ik qadam hai nasheb meñ kabhī ik qadam hai farāz meñ

na qu’ud mein na sujud mein na ruku’ mein na namaz mein

teri bandagi jo ada hui to qiyam-e-juz-o-niyaz mein

na fana ki manzil-e-raaz mein na baqa ki rah-e-daraaz mein

agar 'ishq tera maqam hai to dilon ke soz-o-gudaz mein

mai-be-kHudi ne dikha diya jo chhupa tha parda-e-raaz mein

ki bhari hain sari haqiqaten faqat ek jam-e-majaz mein

ye nai hai rasm-o-rah-e-raza hai 'ajib 'ishq ka zabta

usi sar ko tan se karen juda jo jhuka ho rah-e-niyaz mein

mera ab to ‘qabil’-e-be-nawa ye tariq-e-'ishq mein haal hai

kabhi ek qadam hai nasheb mein kabhi ek qadam hai faraaz mein