نہ قعود میں نہ سجود میں نہ رکوع میں نہ نماز میں

نہ قعود میں نہ سجود میں نہ رکوع میں نہ نماز میں

تیری بندگی جو ادا ہوئی تو قیام عجزونیاز میں

نہ فنا کی منزل راز میں نہ بقا کی راہِ راز میں

اگر عشق تیرا مقام ہے تو دلوں کے سوزوگداز میں

مئے بیخودی نے دکھا دیا جو چھپا تھا پردۂ راز میں

کہ بھری ہیں ساری حقیقتیں فقط ایک جامِ مجاز میں

یہ نئی ہے رسم ورہ رضا،ہے عجیب عشق کا ضابطہ

اسی سر کو تن سے کریں جدا جو جھکا ہو راہِ نیاز میں

مرا اب تو قابلِؔ بےنوا یہ طریقِ عشق میں حال ہے

کبھی اک قدم ہے نشیب میں کبھی اک قدم ہے فراز میں