Takra gai thi unki nazar se nazar kahin

Takrā ga.ī thī un kī nazar se nazar kahīñ

dil ko mire na chain milā umr-bhar kahīñ

ho jā.iye kabhī na kabhī jalva-gar kahīñ

sar phoḌ le na aap kā āshufta-sar kahīñ

qalb-o-nazar meñ hashr bapā jān-e-muztarib

us raah se huā na ho un kā guzar kahīñ

ai chārasāz sar na khapā apnī raah le

achchhā huā hai 'ishq meñ zaḳhm-e-jigar kahīñ

lillāh aap husn ke tevar sañbāliye

barbād ho na jaa.e matā.a-e-nazar kahīñ

kahnā paḌegī khul ke mujhe dāstān-e-dil

jab chhiḌ ga.ī to baat huī muḳhtasar kahīñ

majrūh nesh-e-vaqt kā allāh-re ’ilāj

marham kahīñ hai zaḳhm kahīñ chāra-gar kahīñ

dil chāhtā hai shām-e-tamannā shab-e-visāl

lekin Dhale to ġham kī kaḌī dopahar kahīñ

mujh se khī.che hue haiñ to ḳhush haiñ vo ġhair se

us ne lagā.ī ho na idhar kī udhar kahīñ

miltā hai āj-kal hameñ ik shaḳhs is tarah

begāna-vār vo bhī sar-e-rah-guzar kahīñ

suntā huuñ luuT lete haiñ vo ik nigāh meñ

ḳhud bhī na luT gayā ho mirā nāma-bar kahīñ

aa.e haiñ aap aur mire ghar zahe-nasīb

dhokā na khā rahī ho ye merī nazar kahīñ

socheñ to kah rahe haiñ kise be-vafā 'nasīr'

ilzām aa na jaa.e ye apne hī sar kahīñ

Takra gai thi un ki nazar se nazar kahin

dil ko mere na chain mila umr-bhar kahin

ho jaiye kabhi na kabhi jalwa-gar kahin

sar phoD le na aap ka aashufta-sar kahin

qalb-o-nazar mein hashr bapa jaan-e-muztarib

us rah se hua na ho un ka guzar kahin

ai chaarasaz sar na khapa apni rah le

achchha hua hai 'ishq mein zaKHm-e-jigar kahin

lillah aap husn ke tewar sanbaaliye

barbaad ho na jae mataa-e-nazar kahin

kahna paDegi khul ke mujhe dastan-e-dil

jab chhiD gai to baat hui muKHtasar kahin

majruh nesh-e-waqt ka allah-re ’ilaj

marham kahin hai zaKHm kahin chaara-gar kahin

dil chahta hai sham-e-tamanna shab-e-visal

lekin Dhale to gham ki kaDi dopahar kahin

mujh se khiche hue hain to KHush hain wo ghair se

us ne lagai ho na idhar ki udhar kahin

milta hai aaj-kal hamein ek shaKHs is tarah

begana-war wo bhi sar-e-rah-guzar kahin

sunta hun luT lete hain wo ek nigah mein

KHud bhi na luT gaya ho mera nama-bar kahin

aae hain aap aur mere ghar zahe-nasib

dhoka na kha rahi ho ye meri nazar kahin

sochen to kah rahe hain kise be-wafa 'nasir'

ilzam aa na jae ye apne hi sar kahin