tera majaz haqiqat se ham-kanar bhi hai

tirā majāz haqīqat se ham-kanār bhī hai

jo āshkār nahīñ hai vo āshkār bhī hai

vo āb-o-gul ki navāza hai aap ne jis ko

vahī mazār bhī hai sāhab-e-mazār bhī hai

bahār-e-ālam-e-jāñ tīra-e-kHāk-dāñ meñ kahāñ

tirā karam hai ki ye ḳhāk-dāñ bahār bhī hai

ye mehr-o-māh ye anjum ye kahkashāñ ye phuul

har ek tere tabassum kī yādgār bhī hai

tirā mazāq-e-mohabbat hai kufr-o-dīñ se buland

magar vo māya-e-nūr-o-mata'-e-nār bhī hai

surūr-e-majlas-e-rūhāniyāñ tire dam se

tamām alalm-e-ajsām-e-kaif-e-bār bhī hai

ye merī jaan ke ā.īne meñ tirī tasvīr

ye isti'āra-e-jāñ tujh se musta.ār bhī hai

ta.ayyunāt kī parvardigār-o-kHāliq hai

vo ek terī tavajjoh ki be-shumār bhī hai

sadā-e-kun fa-yakūn ilm se irāda hai

usī irāda pe takvīn kā madār bhī hai

sadā-e-kun fa-yakūn ilm se irāda hai

irāda-e-ain murīd-o-murād yaar bhī hai

tera majaz haqiqat se ham-kanar bhi hai

jo aashkar nahin hai wo aashkar bhi hai

wo aab-o-gul ki nawaza hai aap ne jis ko

wahi mazar bhi hai sahab-e-mazar bhi hai

bahaar-e-alam-e-jaan tira-e-kHak-dan mein kahan

tera karam hai ki ye KHak-dan bahaar bhi hai

ye mehr-o-mah ye anjum ye kahkashan ye phul

har ek tere tabassum ki yaadgar bhi hai

tera mazaq-e-mohabbat hai kufr-o-din se buland

magar wo maya-e-nur-o-mata'-e-nar bhi hai

surur-e-majlas-e-ruhaniyan tere dam se

tamam alalm-e-ajsam-e-kaif-e-bar bhi hai

ye meri jaan ke aaine mein teri taswir

ye isti'ara-e-jaan tujh se mustaar bhi hai

tayyunat ki parwardigar-o-kHaliq hai

wo ek teri tawajjoh ki be-shumar bhi hai

sada-e-kun fa-yakun ilm se irada hai

usi irada pe takwin ka madar bhi hai

sada-e-kun fa-yakun ilm se irada hai

irada-e-ain murid-o-murad yar bhi hai