tujhe DhūñDhtī haiñ nazreñ mujhe ek jhalak dikhā jā
tujhe DhūñDhtī haiñ nazreñ mujhe ek jhalak dikhā jā
Fana Bulandshahri
MORE BYFana Bulandshahri
tujhe DhūñDhtī haiñ nazreñ mujhe ik jhalak dikhā jā
mirī zindagī ke mālik mirī zindagī meñ aa jā
na ġharaz sanam-kade se na haram se koī matlab
mujhe vāsta hai tujh se mire dil meñ tū samā jā
tū bichhaḌ gayā hai jab se mirī niiñd uḌ ga.ī hai
tirī raah tak rahā huuñ mire chāñd ab to aa jā
mujhe dard de ke apnā tū kahāñ chhupā hai jā kar
mirā dil churāne vaale mujhe shakl to dikhā jā
tirā dard ban gayā hai mirī zindagī kā hāsil
mire dil pe haath rakh de zarā hausla baḌhā jā
mujhe aa ke de sahārā ye qadam na Dagmagā.eñ
kahīñ maiñ bhaTak na jā.ūñ mujhe rāsta dikhā jā
mire naam kī nishānī na rahe jahāñ meñ baaqī
mirī jaan lene vaale mirī qabr bhī miTā jā
tire husn pe fidā huuñ tire ishq meñ 'fanā' huuñ
mujhe terī aarzū hai mirī ḳhalvatoñ meñ aa jā
tujhe DhūñDhtī haiñ nazreñ mujhe ek jhalak dikhā jā
mirī zindagī ke mālik mirī zindagī meñ aa jā
na ġharaz sanam-kade se na haram se koī matlab
mujhe wāsta hai tujh se mere dil meñ tū samā jā
tū bichhaḌ gayā hai jab se mirī niñd uḌ gaī hai
tirī rah tak rahā huñ mere chāñd ab to aa jā
mujhe dard de ke apnā tū kahāñ chhupā hai jā kar
mirā dil churāne wale mujhe shakl to dikhā jā
tirā dard ban gayā hai mirī zindagī kā hāsil
mere dil pe hath rakh de zarā hausla baḌhā jā
mujhe aa ke de sahārā ye qadam na Dagmagāeñ
kahīñ maiñ bhaTak na jāūñ mujhe rāsta dikhā jā
mere nam kī nishānī na rahe jahāñ meñ baqī
mirī jaan lene wale mirī qabr bhī miTā jā
tere husn pe fidā huñ tere ishq meñ 'fanā' huñ
mujhe terī aarzū hai mirī ḳhalwatoñ meñ aa jā
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.