Sufinama

tur wale teri tanwir liye baiThe hain

Bedam Shah Warsi

tur wale teri tanwir liye baiThe hain

Bedam Shah Warsi

MORE BYBedam Shah Warsi

    tuur vaale tirī tanvīr liye baiThe haiñ

    ham tujhī ko but-e-be-pīr liye baiThe haiñ

    jigar o dil na pūchho jigar o dil mere

    nigah-e-nāz ke do tiir liye baiThe haiñ

    in ke gesū dil-e-ushshāq phañsāne ke liye

    jā-ba-jā halqa-e-zanjīr liye baiThe haiñ

    ai tirī shaan ki qatroñ meñ hai dariyā jaarī

    zarre ḳhurshīd tanvīr liye baiThe haiñ

    phir vo kyā chiiz hai jo dil meñ utar jaatī hai

    teġh paas un ke na vo tiir liye baiThe haiñ

    mai-e-ishrat se bhare jaate haiñ aġhyār ke jaam

    ham tahī kāsa-e-taqdīr liye baiThe haiñ

    kishvar-o-’ishq meñ muhtāj kahāñ haiñ 'bedam'

    qais-o-farhād jāgīr liye baiThe haiñ

    tur wale teri tanwir liye baiThe hain

    hum tujhi ko but-e-be-pir liye baiThe hain

    jigar o dil ki na puchho jigar o dil mere

    nigah-e-naz ke do tir liye baiThe hain

    in ke gesu dil-e-ushshaq phansane ke liye

    ja-ba-ja halqa-e-zanjir liye baiThe hain

    ai teri shan ki qatron mein hai dariya jari

    zarre KHurshid ki tanwir liye baiThe hain

    phir wo kya chiz hai jo dil mein utar jati hai

    tegh pas un ke na wo tir liye baiThe hain

    mai-e-ishrat se bhare jate hain aghyar ke jam

    hum tahi kasa-e-taqdir liye baiThe hain

    kishwar-o-’ishq mein muhtaj kahan hain 'bedam'

    qais-o-farhad ki jagir liye baiThe hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now