تری ذات پاک ہے اے خدا تری شان جل جلالہ

تری ذات پاک ہے اے خدا تری شان جل جلالہ

ترا نام مالک و کبریا تری شان جل جلالہ

یہ زمیں بنی وہ فلک بنا یہ بشر بنا وہ ملک بنے

ترے لفظ کن کا ظہور تھا تری شان جل جلالہ

جسے چاہے مردہ اٹھائے تو جسے چاہے زندہ بنائے تو

ترے ہاتھ میں ہے فنا بقا تری شان جل جلالہ

کوئی شاہ کوئی امیر ہے کوئی بے نوا و فقیر ہے

جسے چاہا جیسا بنا دیا تری شان جل جلالہ

ہے چمن میں تو ہی تو رنگ و بو ہے زباں پہ طوطی کے تو ہی تو

پڑھے کیوں نہ بلبل خوش نوا تری شان جل جلالہ