tur hun raushni-e-barq-e-tajalli hun main
tuur huuñ raushnī-e-barq-e-tajallī huuñ maiñ
dast-e-mūsā huuñ charāġh-e-yad-e-baizā huuñ maiñ
mai huuñ mai-kash huuñ ki saaqī huuñ ki huuñ bāda-parast
ḳhum huuñ mai-ḳhāna huuñ yā sāġhar-e-sahbā huuñ meñ
rañg-o-bū barg-o-samar nakHl-o-bahār aur ḳhizāñ
gul huuñ bulbul huuñ chaman huuñ chaman-ārā huuñ maiñ
zāhiran qatra-e-nā-būd hai hastī merī
dekho gar dīda-e-’irfāñ se to dariyā huuñ maiñ
tur hun raushni-e-barq-e-tajalli hun main
dast-e-musa hun charagh-e-yad-e-baiza hun main
mai hun mai-kash hun ki saqi hun ki hun baada-parast
KHum hun mai-KHana hun ya saghar-e-sahba hun mein
rang-o-bu barg-o-samar nakHl-o-bahaar aur KHizan
gul hun bulbul hun chaman hun chaman-ara hun main
zahiran qatra-e-na-bud hai hasti meri
dekho gar dida-e-’irfan se to dariya hun main
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
