ذکرِ خفی و ذکرِ جلی ہیں گواہ میں

ذکرِ خفی و ذکرِ جلی ہیں گواہ میں

ہوں محوِ ذکر اشہد ان لا الہ میں

یہ عرض ہے جنابِ رسالت پناہ میں

رکھئے بروزِ حشر مجھے بھی نگاہ میں

ڈوبا ہوں اور غرق ہوں بحرِ گناہ میں

کیا کیا نہیں عیوب ہیں مجھ روسیاہ میں

ہے دو جہاں دومیمِ محمد سے پُر ضیا

یہ چیستاں نہاں ہے سرِ مہر و ماہ میں

مصروف میں گناہ میں عصیاں میں جرم میں

تو فضل میں کرم میں عطا میں رفاہ میں

فرمائیے کہ آپ کا در چھوڑ کر شہا

جائے کہاں لطیف یہ حالِ تباہ میں