zikr-e-kHafi-o-zikr-e-jali hain gawah mein

zikr-e-kHafī-o-zikr-e-jalī haiñ gavāh meñ

huuñ mahv-e-zikr-e-ashhadu-anna-lā-ilāha meñ

ye 'arz hai janāb-e-risālat panāh meñ

rakhiye ba-roz-e-hashr mujhe bhī nigāh meñ

Duubā huuñ aur ġharq huuñ bahr-e-gunāh meñ

kyā kyā nahīñ 'uyūb haiñ mujh rū-siyāh meñ

hai do-jahāñ do mīm-e-mohammad se pur-ziyā

ye chīstāñ nihāñ hai sar-e-mehr-o-māh meñ

masrūf meñ gunāh meñ isyāñ meñ jurm meñ

tū fazl meñ karam meñ 'atā meñ rifāh meñ

farmā.iye ki aap kā dar chhoḌ kar shahā

jaa.e kahāñ latīf ye hāl-e-tabāh meñ

zikr-e-kHafi-o-zikr-e-jali hain gawah mein

hun mahw-e-zikr-e-ashhadu-anna-la-ilaha mein

ye 'arz hai janab-e-risalat panah mein

rakhiye ba-roz-e-hashr mujhe bhi nigah mein

Duba hun aur gharq hun bahr-e-gunah mein

kya kya nahin 'uyub hain mujh ru-siyah mein

hai do-jahan do mim-e-mohammad se pur-ziya

ye chistan nihan hai sar-e-mehr-o-mah mein

masruf mein gunah mein isyan mein jurm mein

tu fazl mein karam mein 'ata mein rifah mein

farmaiye ki aap ka dar chhoD kar shaha

jae kahan latif ye haal-e-tabah mein