us sitamgar se jo milā hogā
us sitamgar se jo milā hogā
jaan se haath dho chukā hogā
ishq meñ tere ham jo kuchh dekhā
na kisī ne kabhī sunā hogā
aah qāsid tū ab talak na phirā
dil dhaḌaktā hai kyā huā hogā
tū hī āñkhoñ meñ tū hī hai dil meñ
kaun yaañ aur tujh sivā hogā
ai miyāñ gul to khil chuke pa kabhū
ġhuncha-e-dil mirā bhī vā hogā
dekh tū faal meñ ki vo mujh se
na milegā milegā kyā hogā
hai yaqīñ mujh ko tujh sitamgar se
dil kisī kā agar lagā hogā
nāla-o-āh karte hī karte
ek din yuuñ hī mar gayā hogā
koī hogā ki dekh use 'bedār'
dil o diiñ le ke tuj rahā hogā
us sitamgar se jo milā hogā
jaan se hath dho chukā hogā
ishq meñ tere hum jo kuchh dekhā
na kisī ne kabhī sunā hogā
aah qāsid tū ab talak na phirā
dil dhaḌaktā hai kyā huā hogā
tū hī āñkhoñ meñ tū hī hai dil meñ
kaun yañ aur tujh siwā hogā
ai miyāñ gul to khil chuke pa kabhū
ġhuncha-e-dil mirā bhī wā hogā
dekh tū fal meñ ki wo mujh se
na milegā milegā kyā hogā
hai yaqīñ mujh ko tujh sitamgar se
dil kisī kā agar lagā hogā
nāla-o-āh karte hī karte
ek din yuñ hī mar gayā hogā
koī hogā ki dekh use 'bedār'
dil o diñ le ke tuj rahā hogā
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
