Sufinama

wo aankh mere liye nam hai kya kiya jae

Purnam Allahabadi

wo aankh mere liye nam hai kya kiya jae

Purnam Allahabadi

MORE BYPurnam Allahabadi

    vo aañkh mere liye nam hai kyā kiyā jaa.e

    use bhī aaj mirā ġham hai kyā kiyā jaa.e

    tire baġhair kahīñ merā nahīñ lagtā

    tire baġhair ye aalam hai kyā kiyā jaa.e

    sahar qarīb hai ab kyā vo ā.eñge milne

    umīd-e-vasl bahut kam hai kyā kiyā jaa.e

    ḳhatā-muāf ḳhatā.eñ to ham se hoñgī zarūr

    ki ye to fitrat-e-ādam hai kyā kiyā jaa.e

    ilāhī ab koī chāra nahīñ duā ke sivā

    marīz-e-hijr lab-e-dam hai kyā kiyā jaa.e

    vo mujh se milne ko aa.e haiñ merī maut ke ba.ad

    ḳhushī bhī mere liye ġham hai kyā kiyā jaa.e

    baraste rahte haiñ din-rāt hijr meñ 'purnam'

    ye hāl-e-dīda-e-pur-nam hai kyā kiyā jaa.e

    wo aankh mere liye nam hai kya kiya jae

    use bhi aaj mera gham hai kya kiya jae

    tere baghair kahin mera ji nahin lagta

    tere baghair ye aalam hai kya kiya jae

    sahar qarib hai ab kya wo aaenge milne

    umid-e-wasl bahut kam hai kya kiya jae

    KHata-muaf KHataen to hum se hongi zarur

    ki ye to fitrat-e-adam hai kya kiya jae

    ilahi ab koi chaara nahin dua ke siwa

    mariz-e-hijr lab-e-dam hai kya kiya jae

    wo mujh se milne ko aae hain meri maut ke baad

    KHushi bhi mere liye gham hai kya kiya jae

    baraste rahte hain din-raat hijr mein 'purnam'

    ye haal-e-dida-e-pur-nam hai kya kiya jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY