har samt main bas zulm-o-sitam dekh raha hun

har samt maiñ bas zulm-o-sitam dekh rahā huuñ

zulmat pe charāġhoñ kā karam dekh rahā huuñ

kal rahte the rahzan ke jahāñ naqsh-e-kaf-e-pā

rahbar ke vahāñ naqsh-e-qadam dekh rahā huuñ

jin sham.oñ se kuchh raushnī kī mujh ko thī ummīd

sar un ke bhī zulmāt pe ḳham dekh rahā huuñ

tum ne jo chhupā.e hue rakkhe the sabhī raaz

chehre pe tumhāre meñ raqam dekh rahā huuñ

jis tarh se raqsāñ haiñ habāboñ meñ havā.eñ

kuchh vaise hī har dil meñ alam dekh rahā huuñ

ulfat kā diyā dil meñ jalā.e hue 'vāsif'

TuuTe hue zulmat ke sanam dekh rahā huuñ

har samt main bas zulm-o-sitam dekh raha hun

zulmat pe charaghon ka karam dekh raha hun

kal rahte the rahzan ke jahan naqsh-e-kaf-e-pa

rahbar ke wahan naqsh-e-qadam dekh raha hun

jin shamon se kuchh raushni ki mujh ko thi ummid

sar un ke bhi zulmat pe KHam dekh raha hun

tum ne jo chhupae hue rakkhe the sabhi raaz

chehre pe tumhaare mein raqam dekh raha hun

jis tarh se raqsan hain hababon mein hawaen

kuchh waise hi har dil mein alam dekh raha hun

ulfat ka diya dil mein jalae hue 'wasif'

TuTe hue zulmat ke sanam dekh raha hun