ya rab sunaen hum kise ab muddu’a-e-dil

yā rab sunā.eñ ham kise ab muddu’ā-e-dil

haiñ nahīñ jahāñ meñ hājat-ravā-e-dil

kyā kahiye bahr-e-shauq ab mājrā-e-dil

dil hai safīna aur vo haiñ nā-ḳhudā-e-dil

ā.īna-e-hayāt kī takmīl ke liye

lāzim hai kā.ināt meñ sidq-o-safā-e-dil

dil aur dard donoñ meñ ik rabt-e-ḳhās hai

dil āshnā-e-dard hai dard āshnā-e-dil

har Tiis jis kī terī taraf multafit kare

yā rab vo dard chāhiye mujh ko barā-e-dil

duniyā-e-dil kā haal na pūchho firāq meñ

masrūf-e-intizār haiñ subh-o-masā-e-dil

sad.hā uThā.īñ dil kī badaulat sa.ūbateñ

dekho 'nasīr' aur abhī kyā kyā dikhā.e dil

ya rab sunaen hum kise ab muddu’a-e-dil

hain nahin jahan mein hajat-rawa-e-dil

kya kahiye bahr-e-shauq ab majra-e-dil

dil hai safina aur wo hain na-KHuda-e-dil

aaina-e-hayat ki takmil ke liye

lazim hai kainat mein sidq-o-safa-e-dil

dil aur dard donon mein ek rabt-e-KHas hai

dil aashna-e-dard hai dard aashna-e-dil

har Tis jis ki teri taraf multafit kare

ya rab wo dard chahiye mujh ko bara-e-dil

duniya-e-dil ka haal na puchho firaq mein

masruf-e-intizar hain subh-o-masa-e-dil

sadha uThain dil ki badaulat saubaten

dekho 'nasir' aur abhi kya kya dikhae dil