zāhid is rah na aa mast haiñ mai-ḳhwār kaī

zāhid is raah na aa mast haiñ mai-ḳhvār ka.ī

abhī yaañ chhīn liye jubba-o-dastār ka.ī

sañg-dil kuuñ na kisī kī huī afsos ḳhabar

mar ga.e sar kuuñ paTak kar pas-e-dīvār ka.ī

nā-tavāñ mujh sā bhalā kaun hai insāf to kar

chashm-e-fattāñ ke tire garche haiñ bīmār ka.ī

dil kī betābī se aur chashm kī be-ḳhvābī se

nazar aane lage ab ishq ke āsār ka.ī

juuñ hī vo hosh-rubā aa ke numūdār huā

naqsh-e-dīvār hue tālib-e-dīdār ka.ī

abrū-o-chashm-o-nigāh-o-mizha har ik ḳhūñ-ḳhvār

ek dil hai mirā tis par haiñ dil-āzār ka.ī

ai masīhā-e-zamāñ dekh Tuk aa kar ahvāl

ki tirī chashm ke yaañ marte haiñ bīmār ka.ī

khīñch mat zor se shāne ko tū ai mashshāta

dil haiñ us zulf ke bāloñ meñ giraftār ka.ī

kaf-e-pā haiñ tire sahrā kī nishānī 'bedār'

mar gayā to bhī phaphūloñ meñ rahe ḳhaar ka.ī

zāhid is rah na aa mast haiñ mai-ḳhwār kaī

abhī yañ chhīn liye jubba-o-dastār kaī

sañg-dil kuñ na kisī kī huī afsos ḳhabar

mar gae sar kuñ paTak kar pas-e-dīwār kaī

nā-tawāñ mujh sā bhalā kaun hai insāf to kar

chashm-e-fattāñ ke tere garche haiñ bīmār kaī

dil kī betābī se aur chashm kī be-ḳhwābī se

nazar aane lage ab ishq ke āsār kaī

juñ hī wo hosh-rubā aa ke numūdār huā

naqsh-e-dīwār hue tālib-e-dīdār kaī

abrū-o-chashm-o-nigāh-o-mizha har ek ḳhūñ-ḳhwār

ek dil hai mirā tis par haiñ dil-āzār kaī

ai masīhā-e-zamāñ dekh Tuk aa kar ahwāl

ki tirī chashm ke yañ marte haiñ bīmār kaī

khīñch mat zor se shāne ko tū ai mashshāta

dil haiñ us zulf ke bāloñ meñ giraftār kaī

kaf-e-pā haiñ tere sahrā kī nishānī 'bedār'

mar gayā to bhī phaphūloñ meñ rahe ḳhaar kaī