holii aur hindostaa.n

ik taraf raahat kaa aur farhat kaa kaal

ik taraf holii me.n u.Dtaa hai gulaal

ik taraf yaaro.n kii ’ishrat-koshiyaa.n

ik taraf ham aur haal-e-pur-malaal

ik taraf daur-e-sharaab-e-aatishii.n

ik taraf talchhaT kaa milnaa bhii muhaal

dekhte hai.n tujh ko jab uThtii hai huuk

aah ai hindostaa.n ai KHasta-haal

rahm ke qaabil ye barbaadii tirii

diid ke qaabil ye teraa hai zavaal

kis qadar KHuu.n-rez hai kitnaa qabiih

terii masjid aur mandir kaa savaal

uf tire beTo.n kii razm-aaraa.iyaa.n

aah un ke baahamii ja.ng-o-jidaal

apne farzindo.n ke ye atvaar dekh

dekh ye laa'nat ke qaabil chaal-Dhaal

kis qadar zillat ke dil-daada hai.n ye

be-kamaalii me.n hai.n kitne baa-kamaal

siina-e-tahziib par hai panja-zan

diin ke jhag.Do.n me.n un kaa ishti’aal

daaman-e-akHlaaq par dhabbaa hai ek

un kii vahshat-kHeziyo.n kaa ittisaal

ik taraf raahat kaa aur farhat kaa kaal

ik taraf holii me.n u.Dtaa hai gulaal

ik taraf yaaro.n kii ’ishrat-koshiyaa.n

ik taraf ham aur haal-e-pur-malaal

ik taraf daur-e-sharaab-e-aatishii.n

ik taraf talchhaT kaa milnaa bhii muhaal

dekhte hai.n tujh ko jab uThtii hai huuk

aah ai hindostaa.n ai KHasta-haal

rahm ke qaabil ye barbaadii tirii

diid ke qaabil ye teraa hai zavaal

kis qadar KHuu.n-rez hai kitnaa qabiih

terii masjid aur mandir kaa savaal

uf tire beTo.n kii razm-aaraa.iyaa.n

aah un ke baahamii ja.ng-o-jidaal

apne farzindo.n ke ye atvaar dekh

dekh ye laa'nat ke qaabil chaal-Dhaal

kis qadar zillat ke dil-daada hai.n ye

be-kamaalii me.n hai.n kitne baa-kamaal

siina-e-tahziib par hai panja-zan

diin ke jhag.Do.n me.n un kaa ishti’aal

daaman-e-akHlaaq par dhabbaa hai ek

un kii vahshat-kHeziyo.n kaa ittisaal