merii holii

kaash haasil ho haqiiqii zindagii kaa ek din

sarKHushii kaa ek lamha yaa KHushii kaa ek din

kar diyaa hai shorish-e-’aalam ne diivaana mujhe

hai bisaat-e-dahr vahshat-naak viiraana mujhe

ik na.ii duniyaa kii KHilqat hai mirii taKH.iil me.n

jo mu’aavin ho sake insaan kii takmiil me.n

ehtimaam-e-zindagii jis me.n ba-taur-e-KHaas ho

aasmaa.n jis kaa mohabbat ho zamii.n iKHlaas ho

kirshn kii aaj yaad-e-rafta mahfil-e-zinda karo

bridge-o-gokul kii bujhii sham'o.n ko taabinda karo

kHushkii-e-ga.ng-o-jaman kii aabiyaarii ke liye

daa’vate.n do gopiyo.n ko ra.ng-baarii ke liye

az-sar-e-nau phir murattab ho jahaan-e-ra.ng-o-buu

KHaar-o-KHas se phir ho paidaa kaar-KHaan-e-ra.ng-o-buu

prem-ras se laa.o bhar kar KHushnumaa pichkaariyaa.n

ho.n na.ii daamaan-e-hastii par lataafat-baariyaa.n

ruuh kii aavaaz ham aa.e.nge saaz-o-cha.ng ho

jo pa.De insaa.n pe vo insaaniyat kaa ra.ng ho

chaahtaa huu.n yuu.n ho ra.ngii.n pairahan aur saariyaa.n

shust-o-shuu se bhii na zaa.il ho sake.n gul-kaariyaa.n

jism kii suurat rahe dil bhii masarrat me.n shariik

ruuh-e-aazaadii bhii ho jaa.e haqiiqat me.n shariik

chaahtaa huu.n gulshan-e-kohna par aa jaa.e shabaab

tinkaa-tinkaa phuul ho aur patta-patta aaftaab

taazgii vajh-e-shaguft-e-kHaatir-e-’aalam rahe

merii duniyaa me.n hamesha ek hii mausam rahe

shaa’ir-o-sannaa’ ho fikr-o-kHalish se be-niyaaz

kHvaaja-o-mazduur me.n baaqii na ho kuchh imtiyaaz

irtiqaa ke ra.ng se labrez jholii ho mirii

inqalaab aisaa ko.ii aa.e to holii ho mirii

kaash haasil ho haqiiqii zindagii kaa ek din

sarKHushii kaa ek lamha yaa KHushii kaa ek din

kar diyaa hai shorish-e-’aalam ne diivaana mujhe

hai bisaat-e-dahr vahshat-naak viiraana mujhe

ik na.ii duniyaa kii KHilqat hai mirii taKH.iil me.n

jo mu’aavin ho sake insaan kii takmiil me.n

ehtimaam-e-zindagii jis me.n ba-taur-e-KHaas ho

aasmaa.n jis kaa mohabbat ho zamii.n iKHlaas ho

kirshn kii aaj yaad-e-rafta mahfil-e-zinda karo

bridge-o-gokul kii bujhii sham'o.n ko taabinda karo

kHushkii-e-ga.ng-o-jaman kii aabiyaarii ke liye

daa’vate.n do gopiyo.n ko ra.ng-baarii ke liye

az-sar-e-nau phir murattab ho jahaan-e-ra.ng-o-buu

KHaar-o-KHas se phir ho paidaa kaar-KHaan-e-ra.ng-o-buu

prem-ras se laa.o bhar kar KHushnumaa pichkaariyaa.n

ho.n na.ii daamaan-e-hastii par lataafat-baariyaa.n

ruuh kii aavaaz ham aa.e.nge saaz-o-cha.ng ho

jo pa.De insaa.n pe vo insaaniyat kaa ra.ng ho

chaahtaa huu.n yuu.n ho ra.ngii.n pairahan aur saariyaa.n

shust-o-shuu se bhii na zaa.il ho sake.n gul-kaariyaa.n

jism kii suurat rahe dil bhii masarrat me.n shariik

ruuh-e-aazaadii bhii ho jaa.e haqiiqat me.n shariik

chaahtaa huu.n gulshan-e-kohna par aa jaa.e shabaab

tinkaa-tinkaa phuul ho aur patta-patta aaftaab

taazgii vajh-e-shaguft-e-kHaatir-e-’aalam rahe

merii duniyaa me.n hamesha ek hii mausam rahe

shaa’ir-o-sannaa’ ho fikr-o-kHalish se be-niyaaz

kHvaaja-o-mazduur me.n baaqii na ho kuchh imtiyaaz

irtiqaa ke ra.ng se labrez jholii ho mirii

inqalaab aisaa ko.ii aa.e to holii ho mirii