aao tasbīh sub.h-o-shām kareñ
yuuñ ġham-e-zindagī tamām kareñ
har taraf jān-o-dil bichhā dījiye
kyā ḳhabar vo kahāñ qayām kareñ
chashm-e-tar soz-e-ārzū le kar
un ke jalve kā intizām kareñ
aaj vo pūchhne to aa.e haiñ
zindagī nazr-e-iqtidām kareñ
un kā aanā thā kuchh ḳhabar na rahī
aaj sajda kareñ qayām kareñ
un ke kūche meñ sar ke bal jā kar
aao tavāf dar-e-harām kareñ
un kī dahlīz chūmne vaale
kaise taqsīr-e-istilām kareñ
jal uThegā ye 'ālam-e-hastī
husn jab bhī vo be-niyām kareñ
un kī zulfeñ lahar ke mahshar meñ
badr ko bhī siyāh-fām kareñ
tere chehre kī chāñdnī ke shahīd
hashr meñ shikva-e-zulām kareñ
kyā 'ajab hai vo mehrbāñ ho kar
koī shab tere haañ qayām kareñ
jin ko husn-e-azal meñ Dhalnā ho
apne hone kā in'idām kareñ
phir man-o-tū kī uljhanoñ ke liye
'ārifo kyuuñ nuzūl-e-tām kareñ
koī bijlī jalā hī de shāhid
aao ham tuur par ḳhirām kareñ
tū bhī aa kāsa-e-nazar le kar
taaki ham lutf dīd-e-'ām kareñ
tū hameñ yaad bhī kare na kare
ham tirā zikr sub.h-o-shām kareñ
rāz-e-hastī khule nahīñ 'tāhir'
matla' hī maqta' kalām kareñ
aao tasbih subh-o-sham karen
yun gham-e-zindagi tamam karen
har taraf jaan-o-dil bichha dijiye
kya KHabar wo kahan qayam karen
chashm-e-tar soz-e-arzu le kar
un ke jalwe ka intizam karen
aaj wo puchhne to aae hain
zindagi nazr-e-iqtidam karen
un ka aana tha kuchh KHabar na rahi
aaj sajda karen qayam karen
un ke kuche mein sar ke bal ja kar
aao tawaf dar-e-haram karen
un ki dahliz chumne wale
kaise taqsir-e-istilam karen
jal uThega ye 'alam-e-hasti
husn jab bhi wo be-niyam karen
un ki zulfen lahar ke mahshar mein
badr ko bhi siyah-fam karen
tere chehre ki chandni ke shahid
hashr mein shikwa-e-zulam karen
kya 'ajab hai wo mehrban ho kar
koi shab tere han qayam karen
jin ko husn-e-azal mein Dhalna ho
apne hone ka in'idam karen
phir man-o-tu ki uljhanon ke liye
'arifo kyun nuzul-e-tam karen
koi bijli jala hi de shahid
aao hum tur par KHiram karen
tu bhi aa kasa-e-nazar le kar
taki hum lutf did-e-'am karen
tu hamein yaad bhi kare na kare
hum tera zikr subh-o-sham karen
raaz-e-hasti khule nahin 'tahir'
matla' hi maqta' kalam karen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
