mehrban ho kar wo shoKH-e-pur-itab aane ko hai

mehrbāñ ho kar vo shoḳh-e-pur-'itāb aane ko hai

ban ke taara aañkh kā aaj āftāb aane ko hai

aaj koThe par vo mast-e-pur-shabāb aane ko hai

auj-e-charḳh-e-dilbarī par māhtāb aane ko hai

phir ziyāda shaiḳh par zikr-e-sharāb aane ko hai

daaġh dene ke liye sīḳh-kabāb aane ko hai

kyā tamāsha hai ki dariyā tak hai mahv-e-chashm-e-yād

sāġhar-e-jamshed ban kar har hijāb aane ko hai

kis qayāmat kā hai kal bekal ko tere sāmnā

dil kī kal jaane ko hai jaan par 'azāb aane ko hai

kis se duuñ tashbīh maiñ us ke parr-e-nūr ko

takiya zānūñ kī ḳhātir āftāb aane ko hai

phir ḳharābāt āshnāoñ kī ḳharābī aa.egī

mai-kada meñ jaan har ḳhāna-ḳharāb aane ko hai

had se guzarī intizārī duur kar saaqī gazak

dil jalā jaatā hai ye sun kar kabāb aane ko hai

'umr hī un kī hai kyā 'āzād' kyā jāneñ vo zulam

hai abhī sin un kā shabāb aane ko hai

mehrban ho kar wo shoKH-e-pur-'itab aane ko hai

ban ke tara aankh ka aaj aaftab aane ko hai

aaj koThe par wo mast-e-pur-shabab aane ko hai

auj-e-charKH-e-dilbari par mahtab aane ko hai

phir ziyaada shaiKH par zikr-e-sharab aane ko hai

dagh dene ke liye siKH-kabab aane ko hai

kya tamasha hai ki dariya tak hai mahw-e-chashm-e-yaad

saghar-e-jamshed ban kar har hijab aane ko hai

kis qayamat ka hai kal bekal ko tere samna

dil ki kal jaane ko hai jaan par 'azab aane ko hai

kis se dun tashbih main us ke parr-e-nur ko

takiya zanun ki KHatir aaftab aane ko hai

phir KHarabaat aashnaon ki KHarabi aaegi

mai-kada mein jaan har KHana-KHarab aane ko hai

had se guzari intizari dur kar saqi gazak

dil jala jata hai ye sun kar kabab aane ko hai

'umr hi un ki hai kya 'azad' kya jaanen wo zulam

hai abhi sin un ka shabab aane ko hai