hairat-zada ko hai but-e-KHud sar se chheD-chhaD

hairat-zada ko hai but-e-ḳhud sar se chheḌ-chhāḌ

ā.īna kar rahā hai sikandar se chheḌ-chhāḌ

shorīda-sar ko rahtī hai āThoñ pahar tere

dīvār se kabhī to kabhī dar se chheḌ-chhāḌ

ā.īna dekh-dekh ke kyuuñ hañs rahe haiñ vo

kyā ho rahī hai rūh-e-sikandar se chheḌ-chhāḌ

allāh re shoḳhiyāñ ye but-e-ḳhud pasand kī

hai ā.īna meñ apne barābar se chheḌ-chhāḌ

vo zab.h kar ke kahte haiñ uTTho gale mileñ

karte haiñ haaye 'āshiq be-sar se chheḌ-chhāḌ

maiñ khīñchtā rahā vo hayā se haTā kiye

shab-bhar yūñhī rahī mere dilbar se chheḌ-chhāḌ

'āzād' yūñhī guzregī shāyad shab-e-visāl

ik bosa hī meñ jab hai phir bhar se chheḌ-chhāḌ

hairat-zada ko hai but-e-KHud sar se chheD-chhaD

aaina kar raha hai sikandar se chheD-chhaD

shorida-sar ko rahti hai aaThon pahar tere

diwar se kabhi to kabhi dar se chheD-chhaD

aaina dekh-dekh ke kyun hans rahe hain wo

kya ho rahi hai ruh-e-sikandar se chheD-chhaD

allah re shoKHiyan ye but-e-KHud pasand ki

hai aaina mein apne barabar se chheD-chhaD

wo zabh kar ke kahte hain uTTho gale milen

karte hain haye 'ashiq be-sar se chheD-chhaD

main khinchta raha wo haya se haTa kiye

shab-bhar yunhi rahi mere dilbar se chheD-chhaD

'azad' yunhi guzregi shayad shab-e-visal

ek bosa hi mein jab hai phir bhar se chheD-chhaD