wo surat jamali wo sirat maali wo shirin maqali wo raushan KHayali

vo sūrat jamālī vo sīrat ma'ālī vo shīrīñ maqālī vo raushan ḳhayālī

ḳhudā ḳhud hī kartā hai mid.hat nabī kī ki bande kī mid.hat se qāsir zabāñ hai

haiñ chashm purnam diloñ meñ tūfāñ salām ko uTh ga.ī haiñ mizhgāñ

salām lījiye ham 'āsiyoñ kā salām kī intihā tum hī ho

hai darūdoñ kā har darūd dar-o-dīvār se

aur saqf kā hai vazīfa assalātu-vassalām

zikr mahfil meñ tirā jab ai nabī hone lagā

jhuum kar har ek tasavvur meñ tire khone lagā

aa ga.e be-sāḳhta har lab par aur hone lagā

mo.jazan dariyā darūdoñ kā dil-e-ahbāb meñ

karte haiñ roz-o-shab ye kaam palīd phir bhī jannat kī un ko hai ummīd

biij bone se mā'siyat ke bhalā gul kahīñ maġhfirat ke khalite haiñ

jis āshiyāñ pe saaya ho parvardigār kā

rashk-o-hasad kī barq use kyā jalā.egī

sajde meñ vo kashish ho kā'ba jabīñ tak aa.e

allāh bhī ye kah de kyā husn-e-bandagī hai

vo ġhuncha jo thā bahāroñ kī aañkh kā taara

hunūz khil na sakā thā ḳhizāñ ne luuT liyā

ye dekh kar ḳhudā ne 'rashk' hazīñ ko baḳhshā

ġhairat ke maare us kī āñkhoñ meñ kuchh namī hai

fī-amānillāh kah kar 'rashk' ruḳhsat ḳhvāh hai

yaar zinda hoñ to baaqī bil-yaqīñ haiñ sohbateñ

wo surat jamali wo sirat ma'ali wo shirin maqali wo raushan KHayali

KHuda KHud hi karta hai midhat nabi ki ki bande ki midhat se qasir zaban hai

hain chashm purnam dilon mein tufan salam ko uTh gai hain mizhgan

salam lijiye hum 'asiyon ka salam ki intiha tum hi ho

hai darudon ka har darud dar-o-diwar se

aur saqf ka hai wazifa assalatu-wassalam

zikr mahfil mein tera jab ai nabi hone laga

jhum kar har ek tasawwur mein tere khone laga

aa gae be-saKHta har lab par aur hone laga

mojazan dariya darudon ka dil-e-ahbab mein

karte hain roz-o-shab ye kaam palid phir bhi jannat ki un ko hai ummid

bij bone se ma'siyat ke bhala gul kahin maghfirat ke khalite hain

jis aashiyan pe saya ho parwardigar ka

rashk-o-hasad ki barq use kya jalaegi

sajde mein wo kashish ho ka'ba jabin tak aae

allah bhi ye kah de kya husn-e-bandagi hai

wo ghuncha jo tha bahaaron ki aankh ka tara

hunuz khil na saka tha KHizan ne luT liya

ye dekh kar KHuda ne 'rashk' hazin ko baKHsha

ghairat ke mare us ki aankhon mein kuchh nami hai

fi-amanillah kah kar 'rashk' ruKHsat KHwah hai

yar zinda hon to baqi bil-yaqin hain sohbaten