jashn-e-amad-e-rasul allah hi allah

jashn-e-āmad-e-rasūl allāh hī allāh

biibī aamna ke phuul allāh hī allāh

jab ki sarkār tashrīf laane lage

hūr-o-ġhilmāñ bhī ḳhushiyāñ manāne lage

har taraf nuur kī raushnī chhā ga.ī

mustafā kyā mile zindagī mil ga.ī

ai halīma terī god meñ aa ga.e

donoñ aalam ke rasūl allāh hī allāh

chehra-e-mustafa jabki dikhāyā gayā

chhup ga.e taare aur chāñd sharmā gayā

aamna dekh kar muskurāne lagīñ

havvā mariyam bhī ḳhushiyāñ manāne lagīñ

aamna biibī sab se ye kahne lagīñ

duā ho ga.ī qabūl allāh hī allāh

shādyāne ḳhushī ke bajā.e ga.e

shaad ke naġhme sab ko sunā.e ga.e

har taraf shor salle-alā ho gayā

aaj paidā habīb-e-ḳhudā ho gayā

phir to jibrīl ne bhī ye elaan kiyā

ye ḳhudā ke haiñ rasūl allāh hī allāh

un kā saaya zamīñ par na paayā gayā

nuur se nuur dekho judā na huā

ham ko 'ābid' nabī par baḌā naaz hai

kyā bhalā mere aaqā kā andāz hai

jis ne ruḳh par malī vo shifā pā gayā

ḳhāk-e-taiba terī dhuul allāh hī allāh

jashn-e-amad-e-rasul allah hi allah

bibi aamna ke phul allah hi allah

jab ki sarkar tashrif lane lage

hur-o-ghilman bhi KHushiyan manane lage

har taraf nur ki raushni chha gai

mustafa kya mile zindagi mil gai

ai halima teri god mein aa gae

donon aalam ke rasul allah hi allah

chehra-e-mustafa jabki dikhaya gaya

chhup gae tare aur chand sharma gaya

aamna dekh kar muskurane lagin

hawwa mariyam bhi KHushiyan manane lagin

aamna bibi sab se ye kahne lagin

dua ho gai qabul allah hi allah

shadyane KHushi ke bajae gae

shad ke naghme sab ko sunae gae

har taraf shor salle-ala ho gaya

aaj paida habib-e-KHuda ho gaya

phir to jibril ne bhi ye elan kiya

ye KHuda ke hain rasul allah hi allah

un ka saya zamin par na paya gaya

nur se nur dekho juda na hua

hum ko 'abid' nabi par baDa naz hai

kya bhala mere aaqa ka andaz hai

jis ne ruKH par mali wo shifa pa gaya

KHak-e-taiba teri dhul allah hi allah