agar furqat ke sadme kam na honge
agar furqat ke sadme kam na hoñge
kisī din dekh lenā ham na hoñge
jo Dar jaa.e ajal kā naam sun kar
vo koī aur hoñge ham na hoñge
tirā qāmat uThā.egā jo fitne
qayāmat se vo fitne kam na hoñge
charāġhāñ hogā sehn-e-gulistāñ meñ
bahāreñ hoñgī lekin ham na hoñge
jo haiñ vābasta-e-dargāh-e-jīlāñ
'nasīr' un ke kahīñ sar ḳham na hoñge
agar furqat ke sadme kam na honge
kisi din dekh lena hum na honge
jo Dar jae ajal ka nam sun kar
wo koi aur honge hum na honge
tera qamat uThaega jo fitne
qayamat se wo fitne kam na honge
charaghan hoga sehn-e-gulistan mein
bahaaren hongi lekin hum na honge
jo hain wabasta-e-dargah-e-jilan
'nasir' un ke kahin sar KHam na honge
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
