ai yar na mujhse munh ko chhupa tu aur nahin main aur nahin

ai yaar na mujh se muñh ko chhupā tū aur nahīñ maiñ aur nahīñ

hai shakl terī merā naqsha tū aur nahīñ maiñ aur nahīñ

itlāq-o-taqayyud ke baa.is maiñ tujh se judā tū mujh se judā

jab fahm se ye parda uThā tū aur nahīñ maiñ aur nahīñ

maiñ tujh ko ġhair samajhtā thā aur ḳhud ko aur samajhtā thā

par chashm-e-ġhaur se jab dekhā tū aur nahīñ maiñ aur nahīñ

sahrā meñ bagūla jo uTThā hai bād-o-kHāk meñ ye ġhauġhā

maiñ tujhmeñ fanā tū mujh meñ baqā tū aur nahīñ maiñ aur nahīñ

avval tū hai āḳhir tū hai zāhir tū hai bātin tū hai

maiñ tujh meñ huuñ tū mujh meñ chhupā tū aur nahīñ maiñ aur nahīñ

me'rāj-e-nabīñ meñ thī har-dam udnu minnī kī sadā paiham

aa sū-e-maqām-e-au-adnā tū aur nahīñ maiñ aur nahīñ

maiñ tālib-e-vasl jo yaar se thā bolā vo ki ḳhud ko dekh zarā

tū maiñ hī to huuñ az sar tā-pā tū aur nahīñ maiñ aur nahīñ

'ulvī' ko ze bas thā kHauf-e-ġhinā kahā yaar ne bā-hama lutf-o-atā

kyuuñ Dartā hai aa āġhosh meñ aa tū aur nahīñ maiñ aur nahīñ

ai yar na mujh se munh ko chhupa tu aur nahin main aur nahin

hai shakl teri mera naqsha tu aur nahin main aur nahin

itlaq-o-taqayyud ke bais main tujh se juda tu mujh se juda

jab fahm se ye parda uTha tu aur nahin main aur nahin

main tujh ko ghair samajhta tha aur KHud ko aur samajhta tha

par chashm-e-ghaur se jab dekha tu aur nahin main aur nahin

sahra mein bagula jo uTTha hai baad-o-kHak mein ye ghaugha

main tujhmen fana tu mujh mein baqa tu aur nahin main aur nahin

awwal tu hai aaKHir tu hai zahir tu hai baatin tu hai

main tujh mein hun tu mujh mein chhupa tu aur nahin main aur nahin

me'raj-e-nabin mein thi har-dam udnu minni ki sada paiham

aa su-e-maqam-e-au-adna tu aur nahin main aur nahin

main talib-e-wasl jo yar se tha bola wo ki KHud ko dekh zara

tu main hi to hun az sar ta-pa tu aur nahin main aur nahin

'ulwi' ko ze bas tha kHauf-e-ghina kaha yar ne ba-hama lutf-o-ata

kyun Darta hai aa aaghosh mein aa tu aur nahin main aur nahin