masnad-nashin aalam-e-imkan tumhi to ho

masnad-nashīn 'ālam-e-imkāñ tumhī to ho

is anjuman kī sham’-e-farozāñ tumhī to ho

sub.h-e-azal se shām-e-abad tak hai jis kā nuur

vo jalva zār-e-husn daraḳhshāñ tumhī to ho

duniyā-e-hast-o-būd kī zīnat tumhī se hai

donoñ jahāñ ke vālī-o-sultāñ tumhī to ho

tum kyā mile ki daulat-e-īmāñ milī hameñ

īmān kī to ye hai ki īmāñ tumhī to ho

duniyā-o-āḳhirat kā sahārā tumhārī zaat

donoñ jahāñ ke vālī-o-sultāñ tumhī to ho

'aḳhtar' ko be-navā.ī-e-duniyā kī fikr kyā

sāmāñ-tarāz be-sar-o-sāmāñ tumhī to ho

masnad-nashin 'alam-e-imkan tumhi to ho

is anjuman ki sham’-e-farozan tumhi to ho

subh-e-azal se sham-e-abad tak hai jis ka nur

wo jalwa zar-e-husn daraKHshan tumhi to ho

duniya-e-hast-o-bud ki zinat tumhi se hai

donon jahan ke wali-o-sultan tumhi to ho

tum kya mile ki daulat-e-iman mili hamein

iman ki to ye hai ki iman tumhi to ho

duniya-o-aKHirat ka sahaara tumhaari zat

donon jahan ke wali-o-sultan tumhi to ho

'aKHtar' ko be-nawai-e-duniya ki fikr kya

saman-taraaz be-sar-o-saman tumhi to ho