KHuda-e-lam-yazal ka dast-e-qudrat tu zaban tu hai

ḳhudā-e-lam-yazal kā dast-e-qudrat tū zabāñ tū hai

yaqīñ paidā kar ai ġhāfil ke maġhlūb gumāñ to hai

pare hai charḳh-e-nīlī faam se manzil musalmāñ kī

sitāre jis kī gard-e-rāh hoñ vo kārvāñ tū hai

makāñ faanī makīñ aanī azal terā abad terā

ḳhudā kā āḳhirī paiġhām hai tū jāvedāñ tū hai

hinā band-e-urūs-e-lāla hai ḳhūn-e-jigar terā

tirī nisbat barāhīmī hai memār-e-jahāñ tū hai

tirī fitrat amiiñ hai mumkināt zindagānī kī

jahñ ke jauhar muzmar kā goyā imtihāñ to hai

jahān-e-āb-o-gil se ālam-e-jāved kī ḳhātir

nubuvvat saath jis ko le ga.ī vo armuġhāñ tū hai

ye nukta sarguzasht-e-millat-e-baiza se hai paidā

ki aqvām-e-zamīn-e-asia kā pāsbāñ tū hai

KHuda-e-lam-yazal ka dast-e-qudrat tu zaban tu hai

yaqin paida kar ai ghafil ke maghlub guman to hai

pare hai charKH-e-nili fam se manzil musalman ki

sitare jis ki gard-e-rah hon wo karwan tu hai

makan fani makin aani azal tera abad tera

KHuda ka aaKHiri paigham hai tu jawedan tu hai

hina band-e-urus-e-lala hai KHun-e-jigar tera

teri nisbat barahimi hai memar-e-jahan tu hai

teri fitrat amin hai mumkinat zindagani ki

jahn ke jauhar muzmar ka goya imtihan to hai

jahan-e-ab-o-gil se aalam-e-jawed ki KHatir

nubuwwat sath jis ko le gai wo armughan tu hai

ye nukta sarguzasht-e-millat-e-baiza se hai paida

ki aqwam-e-zamin-e-asia ka pasban tu hai