nishan yahi hai zamane mein zinda qaumon ka

nishāñ yahī hai zamāne meñ zinda qaumoñ kā

ki sub.h-o-shām badaltī haiñ un kī taqdīreñ

kamāl-e-sidq-o-muravvat hai zindagī un kī

muaaf kartī hai fitrat bhī un kī taqsīreñ

qalandarāna adā.eñ sikandrāna jalāl

ye ummateñ haiñ jahāñ meñ barahna shamshīreñ

ḳhudī se mard-e-kHud-āgāh kā jamāl-o-jalāl

ki ye kitāb hai baaqī tamām tafsīreñ

shikva-e-ī.d kā munkir nahīñ huuñ maiñ lekin

qabūl-e-haq haiñ faqat mard-e-hur kī takbīreñ

hakīm merī navāoñ kā raaz kyā jaane

varā-e-aqal haiñ ahl-e-junūñ kī tadbīreñ

nishan yahi hai zamane mein zinda qaumon ka

ki subh-o-sham badalti hain un ki taqdiren

kamal-e-sidq-o-murawwat hai zindagi un ki

muaf karti hai fitrat bhi un ki taqsiren

qalandarana adaen sikandrana jalal

ye ummaten hain jahan mein barahna shamshiren

KHudi se mard-e-kHud-agah ka jamal-o-jalal

ki ye kitab hai baqi tamam tafsiren

shikwa-e-id ka munkir nahin hun main lekin

qabul-e-haq hain faqat mard-e-hur ki takbiren

hakim meri nawaon ka raaz kya jaane

wara-e-aqal hain ahl-e-junun ki tadbiren