bahr-e-hasti koi sarab nahin

bahr-e-hastī koī sarāb nahīñ

zindagī zindagī hai ḳhvāb nahīñ

aah insān jis kī āñkhoñ par

apnā anjām be-naqāb nahīñ

ek ḳhurshīd ruḳh kī zulfoñ kā

raat ke paas kuchh javāb nahīñ

zindagī dard se huī mahrūm

mai-kada hai magar sharāb nahīñ

mutrib-e-vaqt tere hāthoñ meñ

kyuuñ hai talvār aur rabāb nahii.

aadmī aadmī kā rāziq hai

nazm-e-ālam magar ḳharāb nahīñ

haa.e 'altāf' vo hazīñ rāteñ

jin kī qismat meñ māhtāb nahii.

bahr-e-hasti koi sarab nahin

zindagi zindagi hai KHwab nahin

aah insan jis ki aankhon par

apna anjam be-naqab nahin

ek KHurshid ruKH ki zulfon ka

raat ke pas kuchh jawab nahin

zindagi dard se hui mahrum

mai-kada hai magar sharab nahin

mutrib-e-waqt tere hathon mein

kyun hai talwar aur rabab nahi

aadmi aadmi ka raaziq hai

nazm-e-alam magar KHarab nahin

hae 'altaf' wo hazin raaten

jin ki qismat mein mahtab nahi