sarw-e-KHiraman sarmast rahi

sarv-e-ḳhirāmāñ sarmast raahī

har naqsh-e-pā qābil-e-sajda-gāhī

nāzuk-ḳhirāmī jaadū nigāhī

qadmoñ pe un ke qurbān-e-shāhī

vus.at-e-dāmāñ zill-e-ilāhī

āġhosh-e-rahmat 'ālam-panāhī

ishva-girah hai yā ki qayāmat

raqsāñ hai 'ālam tauba ilāhī

qismat hai achchhī saudā hai achchhā

un kī adā.eñ merī tabāhī

braham nazar se āfāq braham

sākin hai anjum sozāñ hai maahī

mujh meñ samāyā hai tū harf jaise

zāhir hai sūrat bātin syāhī

mahshar meñ hogī sāmne un ke

'uzr-e-mohabbat har 'uzr-ḳhvāhī

tirchhī nigāheñ chilman meñ ġhamze

bhātī 'nizāmī' ko hai kaj-kulāhī

sarw-e-KHiraman sarmast rahi

har naqsh-e-pa qabil-e-sajda-gahi

nazuk-KHirami jadu nigahi

qadmon pe un ke qurban-e-shahi

wusat-e-daman zill-e-ilahi

aaghosh-e-rahmat 'alam-panahi

ishwa-girah hai ya ki qayamat

raqsan hai 'alam tauba ilahi

qismat hai achchhi sauda hai achchha

un ki adaen meri tabahi

braham nazar se aafaq braham

sakin hai anjum sozan hai mahi

mujh mein samaya hai tu harf jaise

zahir hai surat baatin syahi

mahshar mein hogi samne un ke

'uzr-e-mohabbat har 'uzr-KHwahi

tirchhi nigahen chilman mein ghamze

bhati 'nizami' ko hai kaj-kulahi