arz-o-samā kahāñ tirī wusat ko pā sake

arz-o-samā kahāñ tirī vus.at ko pā sake

merā hī dil hai vo ki jahāñ tū samā sake

vahdat meñ terī harf duī kā na aa sake

ā.īna kyā majāl tujhe muñh dikhā sake

maiñ vo fatāda huuñ ki baġhair-az-fanā mujhe

naqsh-e-qadam kī tarah na koī uThā sake

qāsid nahīñ ye kaam tirā apnī raah le

us kā payām dil ke sivā kaun lā sake

ġhāfil ḳhudā kī yaad pe mat bhuul zīnhār

apne ta.iiñ bhulā de agar tū bhulā sake

yā-rab ye kyā tilism hai idrāk-o-fahm yaañ

dauḌe hazār aap se bāhar na jā sake

go bahs kar ke baat bi.Thā.ī bhī kyā husūl

dil se uThā ġhilāf agar tū uThā sake

itfā-e-nār-e-ishq na ho āb-e-ashk se

ye aag vo nahīñ jise paanī bujhā sake

mast-e-sharāb-e-ishq vo be-ḳhud hai jis ko hashr

ai 'dard' chāhe laa.e ba-ḳhud par na lā sake

arz-o-samā kahāñ tirī wusat ko pā sake

merā hī dil hai wo ki jahāñ tū samā sake

wahdat meñ terī harf duī kā na aa sake

āīna kyā majāl tujhe muñh dikhā sake

maiñ wo fatāda huñ ki baġhair-az-fanā mujhe

naqsh-e-qadam kī tarah na koī uThā sake

qāsid nahīñ ye kaam tirā apnī rah le

us kā payām dil ke siwā kaun lā sake

ġhāfil ḳhudā kī yaad pe mat bhul zīnhār

apne taiñ bhulā de agar tū bhulā sake

yā-rab ye kyā tilism hai idrāk-o-fahm yañ

dauḌe hazār aap se bāhar na jā sake

go bahs kar ke baat biThāī bhī kyā husūl

dil se uThā ġhilāf agar tū uThā sake

itfā-e-nār-e-ishq na ho āb-e-ashk se

ye aag wo nahīñ jise panī bujhā sake

mast-e-sharāb-e-ishq wo be-ḳhud hai jis ko hashr

ai 'dard' chāhe lae ba-ḳhud par na lā sake