adna sa ye hairat ka tamasha nazar aaya

adnā sā ye hairat kā tamāshā nazar aayā

jo thā pas-e-parda sar-e-parda nazar aayā

phir maiñ nazar aayā na tamāsha nazar aayā

jab tū nazar aayā mujhe tanhā nazar aayā

allāh re dīvāngī-e-shauq kā 'ālam

ik raqs meñ har zarra sahrā nazar aayā

uThe 'ajab andāz se vo josh-e-ġhazab se

chaḌhtā huā ik husn kā dariyā nazar aayā

kis darja tirā husn bhī āshob-e-jahāñ hai

jis zarre ko dekhā vo taḌaptā nazar aayā

ab ḳhud tirā jalva jo dikhā de vo dikhā de

ye dīda-e-bianā to tamāsha nazar aayā

thā lutf-e-junūñ dīda-e-ḳhūñ nāba-fishāñ se

phūloñ se bharā dāman-e-sahrā nazar aayā

adna sa ye hairat ka tamasha nazar aaya

jo tha pas-e-parda sar-e-parda nazar aaya

phir main nazar aaya na tamasha nazar aaya

jab tu nazar aaya mujhe tanha nazar aaya

allah re diwangi-e-shauq ka 'alam

ek raqs mein har zarra sahra nazar aaya

uThe 'ajab andaz se wo josh-e-ghazab se

chaDhta hua ek husn ka dariya nazar aaya

kis darja tera husn bhi aashob-e-jahan hai

jis zarre ko dekha wo taDapta nazar aaya

ab KHud tera jalwa jo dikha de wo dikha de

ye dida-e-biana to tamasha nazar aaya

tha lutf-e-junun dida-e-KHun naba-fishan se

phulon se bhara daman-e-sahra nazar aaya