numayan kar diya usne bahaar-e-ru-e-KHandan ko

numāyāñ kar diyā us ne bahār-e-rū-e-ḳhandāñ ko

ki dī naġhme ko mastī rañg kuchh sehn-e-gulistāñ ko

zarā taklīf-e-juñbish de nigāh-e-barq-e-sāmāñ ko

jahāñ meñ muntashir kar de mazāq-e-soz pinhāñ ko

zarā roke hue lauh-e-tabassum hā-e-pinhāñ ko

abhī ye le uḌeñgī bijliyāñ tār-e-rag-e-jāñ ko

bas itne pe huā hañgāma-e-dār-o-rasan barpā

ki le āġhosh meñ ā.īna kyuuñ mehr-e-daraḳhshāñ ko

sunā hai hashr meñ shān-e-karam betāb niklegī

lagā rakhā hai siine se matā-e’-zauq-e’-'isyāñ ko

ab un rā’anā.iyoñ par shikva-e-jaur-o-sitam kaisā

ki ḳhvāb-ālud us ne kar liyā chashm-e-pashemāñ ko

hue jo mājare kHalvat-sarā-e-rāz meñ us se

na kufr ab tak huā vāqif ḳhabar us kī na īmāñ ko

yahāñ kuchh naḳhl par bikhre hue aurāq-e-rañgīñ haiñ

magar ik musht-e-par se pūchhiye rāz-e-gulistāñ ko

dikhā.ī sūrat-e-gul par bahār-e-shokHī-e-pinhāñ

chhupāyā ma’anī-e-gul meñ kuchh husn-e-numāyāñ ko

tamannā hai nikal kar sāmne bhī ’ishva-farmā ho

koī detā hai jumbish barda-e-be-tābī-e-jāñ ko

na maiñ dīvāna huuñ 'asġhar' na mujh ko zauq-e-'uryānī

koī khīñche liye jaatā hai ḳhud jaib-o-garebāñ ko

numayan kar diya us ne bahaar-e-ru-e-KHandan ko

ki di naghme ko masti rang kuchh sehn-e-gulistan ko

zara taklif-e-junbish de nigah-e-barq-e-saman ko

jahan mein muntashir kar de mazaq-e-soz pinhan ko

zara roke hue lauh-e-tabassum ha-e-pinhan ko

abhi ye le uDengi bijliyan tar-e-rag-e-jaan ko

bas itne pe hua hangama-e-dar-o-rasan barpa

ki le aaghosh mein aaina kyun mehr-e-daraKHshan ko

suna hai hashr mein shan-e-karam betab niklegi

laga rakha hai sine se mata-e’-zauq-e’-'isyan ko

ab un ra’anaiyon par shikwa-e-jaur-o-sitam kaisa

ki KHwab-alud us ne kar liya chashm-e-pasheman ko

hue jo majare kHalwat-sara-e-raaz mein us se

na kufr ab tak hua waqif KHabar us ki na iman ko

yahan kuchh naKHl par bikhre hue auraq-e-rangin hain

magar ek musht-e-par se puchhiye raaz-e-gulistan ko

dikhai surat-e-gul par bahaar-e-shokHi-e-pinhan

chhupaya ma’ani-e-gul mein kuchh husn-e-numayan ko

tamanna hai nikal kar samne bhi ’ishwa-farma ho

koi deta hai jumbish barda-e-be-tabi-e-jaan ko

na main diwana hun 'asghar' na mujh ko zauq-e-'uryani

koi khinche liye jata hai KHud jaib-o-gareban ko