اسے کیا پاؤ گے پانے کی خود تدبیر الٹی ہے

اسے کیا پاؤ گے پانے کی خود تدبیر الٹی ہے

شکاری کی کمان میں دیکھ لو خود تیر الٹی ہے

خدا سے ہم نہیں ملتے خدا والوں سے ملتے ہیں

ہمارے پیار کرنے کی ہر اک تدبیر الٹی ہے

نہ پڑھ سکتے نہ لکھ سکتے سنا سکتے نہ سن سکتے

کتاب معرفت کی کیا کہیں تحریر الٹی ہے

بجا ہے قول یہ اقبال کا جو خود پہ بیتی ہے

نگاہِ مردِ مؤمن میں میری تقدیر الٹی ہے

یہ دنگل معرفت کا ہے صداقت کام آتی ہے

لڑے گا کیا وہ جس کے ہاتھ میں شمشیر الٹی ہے

وہاں دورخ بھی ہے جنت بھی ہے انکار کس کو ہے

یہ ایسا خواب ہے جس خواب کی تعبیر الٹی ہے

جو گلیاں ان کے گھر کی ہیں بڑی پیچیدہ گلیاں ہیں

مگر جو گھر ہے ان کا گھر کی وہ تعمیر الٹی ہے

الف کیا کریں تحقیق ہم وہ ایک ہے رضواںؔ

نہ یہ لکیر سیدھی ہے نہ یہ لکیر الٹی ہے