use kya paoge pane ki KHud tadbir ulTi hai

use kyā pāoge paane kī ḳhud tadbīr ulTī hai

shikārī kī kamāñ meñ dekh lo ḳhud tiir ulTī hai

ḳhudā se ham nahīñ milte ḳhudā vāloñ se milte haiñ

hamāre pyaar karne kī har ik tadbīr ulTī hai

na paḌh sakte na likh sakte sunā sakte na sun sakte

kitāb-e-mā'rifat kī kyā kaheñ tahrīr ulTī hai

bajā hai qaul ye 'iqbāl' kā jo ḳhud pe biitī hai

nigāh-e-mard-e-momin meñ mirī taqdīr ulTī hai

ye dañggal mā'rifat kā hai sadāqat kaam aatī hai

laḌegā kyā vo jis ke haath meñ shamshīr ulTī hai

vahāñ dozaḳh bhī hai jannat bhī hai inkār kis ko hai

ye aisā ḳhvāb hai jis ḳhvāb kī tā'bīr ulTī hai

jo galiyāñ un ke ghar kī haiñ baḌī pechīda galiyāñ haiñ

magar jo ghar hai un kā ghar kī vo tā’mīr ulTī hai

alaf kyā kareñ tahqīq ham vo ek hai 'rizvāñ'

na ye lakīr sīdhī hai na ye lakīr ulTī hai

use kya paoge pane ki KHud tadbir ulTi hai

shikari ki kaman mein dekh lo KHud tir ulTi hai

KHuda se hum nahin milte KHuda walon se milte hain

hamare pyar karne ki har ek tadbir ulTi hai

na paDh sakte na likh sakte suna sakte na sun sakte

kitab-e-ma'rifat ki kya kahen tahrir ulTi hai

baja hai qaul ye 'iqbaal' ka jo KHud pe biti hai

nigah-e-mard-e-momin mein meri taqdir ulTi hai

ye danggal ma'rifat ka hai sadaqat kaam aati hai

laDega kya wo jis ke hath mein shamshir ulTi hai

wahan dozaKH bhi hai jannat bhi hai inkar kis ko hai

ye aisa KHwab hai jis KHwab ki ta'bir ulTi hai

jo galiyan un ke ghar ki hain baDi pechida galiyan hain

magar jo ghar hai un ka ghar ki wo ta’mir ulTi hai

alaf kya karen tahqiq hum wo ek hai 'rizwan'

na ye lakir sidhi hai na ye lakir ulTi hai