Sufinama

mai-kade tere teri masjid sanam-KHana tera

Bedam Shah Warsi

mai-kade tere teri masjid sanam-KHana tera

Bedam Shah Warsi

MORE BYBedam Shah Warsi

    mai-kade tere tirī masjid sanam-ḳhāna tirā

    yaar har ghar tirā har ghar meñ kāshāna tirā

    ye bhī ik e.ajāz hai ai pīr-e-mai-ḳhāna tirā

    bazm meñ be-pāñv ke chaltā hai paimāna tirā

    ham balā-noshoñ himmat ko to ai saaqī na pūchh

    nashsha meñ sar par uThā lete haiñ mai-ḳhāna tirā

    be-ḳhabar hone pe bhī hai saare a.alam ḳhabar

    zāhid-e-hushyār se achchhā hai mastāna tirā

    ye mile qismat hai to us ke sivā kyā chāhiye

    to ho saaqī mai-kada ho aur mastāna tirā

    sāqiyā jaarī rahe yūñhī sabīl-e-mai-kashī

    abad yuuñ rahe ābād mai-kHāna tirā

    tujh ko saudā-e-mohabbat maul le kis majāl

    sunte haiñ ham jān-o-dil hotā hai bai.āna tirā

    ham musāfir haiñ to muñh taktā hai kyā pīr-e-muġhāñ

    bas chale to dil meñ rakh le jaa.eñ mai-ḳhāna tirā

    jis ko dekhā tujh pe marne ke liye tayyār hai

    maiñ kyā ai sha'm-o-ālam hai parvāna tirā

    pahle 'bedam' tarah koī garebān chaak ho

    shauq se phir jalva dekhe be-hijābāna tirā

    mai-kade tere teri masjid sanam-KHana tera

    yar har ghar tera har ghar mein kashana tera

    ye bhi ek eajaz hai ai pir-e-mai-KHana tera

    bazm mein be-panw ke chalta hai paimana tera

    hum bala-noshon ki himmat ko to ai saqi na puchh

    nashsha mein sar par uTha lete hain mai-KHana tera

    be-KHabar hone pe bhi hai sare aalam ki KHabar

    zahid-e-hushyar se achchha hai mastana tera

    ye mile qismat hai to us ke siwa kya chahiye

    to ho saqi mai-kada ho aur mastana tera

    saqiya jari rahe yunhi sabil-e-mai-kashi

    ta abad yun hi rahe aabaad mai-kHana tera

    tujh ko sauda-e-mohabbat maul le kis ki majal

    sunte hain hum jaan-o-dil hota hai baiana tera

    hum musafir hain to munh takta hai kya pir-e-mughan

    bas chale to dil mein rakh le jaen mai-KHana tera

    jis ko dekha tujh pe marne ke liye tayyar hai

    main hi kya ai sha'm-o-alam hai parwana tera

    pahle 'bedam' ki tarah koi gareban chaak ho

    shauq se phir jalwa dekhe be-hijabana tera

    Source :
    • Book : Kulliyat-e-Bedam (Pg. 387)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now