nai shan se hua jalwa-gar wo jahan pe jalwa-kunan hua

na.ī shaan se huā jalva-gar vo jahāñ pe jalva-kunāñ huā

kahīñ be-gumān-o-gumāñ banā kahīñ be-nishān-o-nishāñ huā

kahīñ ḳhair-o-shar kahīñ bul-bashar kahīñ rāh-rau kahīñ rāhbar

kahīñ aap apnā yaqīñ banā kahīñ aap apnā gumāñ huā

kahīñ rabbe-arenī kī dī sadā kahīñ lan-tarānī sunā gayā

jo nihāñ huā to nihāñ huā jo ’ayāñ huā to ’ayāñ huā

gah marīz-o-marz masīh ban vahī chāra-sāz-e-davā banā

kahīñ dil banā kahīñ dilrubā kahīñ apnā dard-e-nihāñ huā

kahīñ ban ke vāris-e-panjtan banā aap ‘bedam’-e-kHasta-tan

kahīñ banda-e-be-daram banā kahīñ kHāliq-e-do-jahāñ huā

nai shan se hua jalwa-gar wo jahan pe jalwa-kunan hua

kahin be-guman-o-guman bana kahin be-nishan-o-nishan hua

kahin KHair-o-shar kahin bul-bashar kahin rah-rau kahin rahbar

kahin aap apna yaqin bana kahin aap apna guman hua

kahin rabbe-areni ki di sada kahin lan-tarani suna gaya

jo nihan hua to nihan hua jo ’ayan hua to ’ayan hua

gah mariz-o-marz masih ban wahi chaara-saz-e-dawa bana

kahin dil bana kahin dilruba kahin apna dard-e-nihan hua

kahin ban ke waris-e-panjtan bana aap ‘bedam’-e-kHasta-tan

kahin banda-e-be-daram bana kahin kHaliq-e-do-jahan hua