kis ki aawaz hai ye kaun hai rone wala
kis kī āvāz hai ye kaun hai rone vaalā
karvaTeñ lene lagā chain se sone vaalā
ab to phūloñ ko bhī chhūte hue Dar lagtā hai
aaj har phuul hai nashtar hī chubhone vaalā
jis kī ḳhātir liye ilzām jahāñ ke maiñ ne
ye vo hī shaḳhs hai muñh pher ke jaane vaalā
mujh ko duniyā se shikāyat na gila tūfāñ se
nā-ḳhudā hai merī kashtī ko Dubone vaalā
jī rahā hai vo tire shahr meñ mujrim kī tarah
jo tire ġham kā hai har bojh uThāne vaalā
kis ki aawaz hai ye kaun hai rone wala
karwaTen lene laga chain se sone wala
ab to phulon ko bhi chhute hue Dar lagta hai
aaj har phul hai nashtar hi chubhone wala
jis ki KHatir liye ilzam jahan ke main ne
ye wo hi shaKHs hai munh pher ke jaane wala
mujh ko duniya se shikayat na gila tufan se
na-KHuda hai meri kashti ko Dubone wala
ji raha hai wo tere shahr mein mujrim ki tarah
jo tere gham ka hai har bojh uThane wala
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
