jab ahl-e-KHirad dair-o-haram DhunDh rahe the

jab ahl-e-ḳhirad dair-o-haram DhūñDh rahe the

dīvāne terā naqsh-e-qadam DhūñDh rahe the

zāhid to 'ibādat kā bhram DhūñDh rahe the

ik ham the terī chashm-e-karam DhūñDh rahe the

mahshar meñ to maḳhlūq-e-davāñ sū-e-jināñ thī

us vaqt bhī ham tum ko sanam DhūñDh rahe the

nazroñ se nazar milte hī kuchh haal thā aisā

dil aur jigar ḳhud ko baham DhūñDh rahe the

ai husn-e-jahāñ soz-e-jahāñ dīd-e-jahāñ daad

tashbīh terī ahl-e-qalam DhūñDh rahe the

jab ahl-e-KHirad dair-o-haram DhunDh rahe the

diwane tera naqsh-e-qadam DhunDh rahe the

zahid to 'ibaadat ka bhram DhunDh rahe the

ek hum the teri chashm-e-karam DhunDh rahe the

mahshar mein to maKHluq-e-dawan su-e-jinan thi

us waqt bhi hum tum ko sanam DhunDh rahe the

nazron se nazar milte hi kuchh haal tha aisa

dil aur jigar KHud ko baham DhunDh rahe the

ai husn-e-jahan soz-e-jahan did-e-jahan dad

tashbih teri ahl-e-qalam DhunDh rahe the