bikte hain hamin aap KHaridar hamin hain

bikte haiñ hamīñ aap ḳharīdār hamīñ haiñ

ye turfa-tamāshā sar-e-bāzār hamīñ haiñ

bulbul hamīñ zīnat vo gulzār hamīñ haiñ

har phuul meñ har phal meñ numūdār hamīñ haiñ

dil ham meñ sadā rahtā hai ham rahte haiñ dil meñ

ham aap hī dil-dāda haiñ dil-dār hamīñ haiñ

jo dekhte haiñ shān-e-ḳhudā husn-e-sanam meñ

vo ishq kī pahne hue zunnār hamīñ haiñ

ma.alūm nahii. jin ko ki ham kaun haiñ kyā haiñ

vo kho.e hue apne talab-gār hamīñ haiñ

ham shar.a meñ ahmad haiñ haqīqat meñ ahad haiñ

uTh jaa.e jo ye parda to ai yaar hamīñ haiñ

ham āp-hī mansūr haiñ ham aap anal-haq

ham shar.a ko sar dete haiñ sar-e-dār hamīñ haiñ

le le ke maze chāTe haiñ hoñToñ ko apne

'akbar' tirī shīrīnī-e-guftār hamīñ haiñ

bikte hain hamin aap KHaridar hamin hain

ye turfa-tamasha sar-e-bazar hamin hain

bulbul hamin zinat wo gulzar hamin hain

har phul mein har phal mein numudar hamin hain

dil hum mein sada rahta hai hum rahte hain dil mein

hum aap hi dil-dada hain dil-dar hamin hain

jo dekhte hain shan-e-KHuda husn-e-sanam mein

wo ishq ki pahne hue zunnar hamin hain

malum nahi jin ko ki hum kaun hain kya hain

wo khoe hue apne talab-gar hamin hain

hum shara mein ahmad hain haqiqat mein ahad hain

uTh jae jo ye parda to ai yar hamin hain

hum aap-hi mansur hain hum aap anal-haq

hum shara ko sar dete hain sar-e-dar hamin hain

le le ke maze chaTe hain honTon ko apne

'akbar' teri shirini-e-guftar hamin hain