meri KHudi hai wo be-KHudi ki KHudi ka wahm-o-guman nahin

mirī ḳhudī hai vo be-ḳhudī ki ḳhudī kā vahm-o-gumāñ nahīñ

ye surūr sāġhar-e-mai nahīñ ye ḳhumār ḳhvāb-e-girāñ nahīñ

jo zuhūr ’ālam-e-zāt hai ye faqat hujūm-e-sifāt hai

hai jahāñ kā aur vajūd kyā jo tilism vahm-o-gumāñ nahīñ

ye hayāt ’ālam-e-kHvāb hai na gunāh hai na savāb hai

vahī kufr-o-dīñ meñ ḳharāb hai jise 'ilm rāz-e-jahāñ nahīñ

na vo ḳhum meñ baade kā josh hai na vo husn jalva-farosh hai

na kisī ko raat kā hosh hai vo sahar ki shab kā gumāñ nahīñ

vo zamīñ pe jin kā thā dabdaba ki buland 'arsh pe naam thā

unheñ yuuñ falak ne miTā diyā ki mazār tak kā nishāñ nahīñ

meri KHudi hai wo be-KHudi ki KHudi ka wahm-o-guman nahin

ye surur saghar-e-mai nahin ye KHumar KHwab-e-giran nahin

jo zuhur ’alam-e-zat hai ye faqat hujum-e-sifat hai

hai jahan ka aur wajud kya jo tilism wahm-o-guman nahin

ye hayat ’alam-e-kHwab hai na gunah hai na sawab hai

wahi kufr-o-din mein KHarab hai jise 'ilm raaz-e-jahan nahin

na wo KHum mein baade ka josh hai na wo husn jalwa-farosh hai

na kisi ko raat ka hosh hai wo sahar ki shab ka guman nahin

wo zamin pe jin ka tha dabdaba ki buland 'arsh pe nam tha

unhen yun falak ne miTa diya ki mazar tak ka nishan nahin